बैतडीमा मतदान केन्द्रमा ८ देखि १५ जनासम्म प्रहरी परिचालन गरिने

प्रदेश समाचार

Home
प्रदेश समाचार
बैतडीमा मतदान केन्द्रमा ८ देखि १५ जनासम्म प्रहरी परिचालन गरिने

बैतडीमा मतदान केन्द्रमा ८ देखि १५ जनासम्म प्रहरी परिचालन गरिने

Baitadi nirwachan surakshya.jpg

कृष्ण बिष्ट
बैतडी,
जिल्ला प्रहरी कार्यालय बैतडीले अगामी बैसाख ३० गते हुन गइरहेको स्थानिय तहको निर्वाचनका लागि सुरक्षा योजना तयार पारेको छ । मतदान स्थलमा खटिने सुरक्षाकर्मीको बिवरणसहित सुरक्षा योजना तयार पारेको हो ।

अति संवेदनशील, संवेदनशील र कम संवेदनशील मतदानस्थलमा खटिने सुरक्षार्कीहरुको विरण तयार पारिएका हो । मतदान केन्द्रमा म्यादी प्रहरीसहित ८ देखि १५ जना सम्म परिचालन गरिने छ ।

अतिसंवेदनशील मतदान स्थलमा एउटै मतदान केन्द्र भएको ठाउँमा ३ जना प्रहरी र ८ जना म्यादी प्रहरी परिचालन गरिने छ । दुई वटा केन्द्र छ भने ५ जना प्रहरी र १० जना म्यादी प्रहरी खटिने छन् । अति संवेदनशील मतदानस्थलमा तीन वटा केन्द्र छैनन् ।

यसैगरी संवेदनशील मतदान स्थलको हकमा पनि एउटा मात्रै केन्द्र भएको ठाँउमा ३ प्रहरी र ६ म्यादी प्रहरी परिचलान गरिने छ । दुई वटा केन्द्र भएको ठाउँमा ४ प्रहरी र ८ म्यादी प्रहरी खटिने छन् । तीन वटा मतदान केन्द्र भएको ठाउँमा ५ प्रहरी १० म्यादी परिचालन गरिने छ ।

समान्य मतदानस्थलको हकमा एउटै मात्र केन्द्र भए ५ म्यादी र ३ प्रहरी परिचालन गरिने छ । दुई वटा मतदान केन्द्र भएको ठाउँमा ४ प्रहरी ७ म्यादी र तीन वटा मतदान केन्द्र भएको ठाउँमा ५ जना प्रहरी र ९ जना म्यादी प्रहरी परिचालन गरिने जिल्ला प्रहरी कार्यालय बैतडीले जनाएको छ ।

जिल्लामा १२९ मतदान स्थल रहेका छन् भने २०५ मतदान केन्द्र रहेका छन् । जिल्लामा ६६७ जना प्रहरी र १०५१ जना म्यादी प्रहरी परिचान हुने छन् ।

प्रकाशित मिति: सोमबार, वैशाख ५, २०७९ १४:५०

प्रतिक्रिया दिनुहोस्