मुडेलीधार घटनाः भैँसी बाध्ने काठको किलोले बालकमाथि बजारे, अनि खेतमा फाले !

प्रदेश समाचार

Home
प्रदेश समाचार
मुडेलीधार घटनाः भैँसी बाध्ने काठको किलोले बालकमाथि बजारे, अनि खेतमा फाले !

मुडेलीधार घटनाः भैँसी बाध्ने काठको किलोले बालकमाथि बजारे, अनि खेतमा फाले !

सुरेश महरा\ कृष्ण बिष्ट
बैतडी: बैतडीको पुर्चाैडी नगरपालिका–६ मुडेलीधारका ५० वर्षीय गणेश साउँदले आफ्नै नातीको हत्या गरेका छन् । आफ्नै २ वर्षीय नाती रेसम साउँदको हत्या गरेका हुन् भने अर्का ८ वर्षीय नाती रिजन साउँदलाई गम्भिर घाइते बनाएका छन् ।
मानसिक सन्तुलन ठिक नभएको भनिएका साउँदले भैँसी बाध्ने किलोले बालकको शरिरमा बजारेको पाइएको छ । ८ वर्षीय निरज साउँद विद्यालयबाट घर फर्किन अगावै भाई रेसमलाई काठको किलोले निर्ममपूर्वक कुटपिट गरेको खुलेको छ । ‘गणेशले भैँसी बाध्ने किलोले बालकलाई हिर्काएछ,’ घटनाको जानकारी पाएपछि घटनास्थल पुगेका स्वास्थ्यकर्मी समेत रहेका सुर्नया ८ ढोल्यामोडका भान बहादुर बोहराले भने, ‘२ वर्षीय बालकलाई भैँसीको किलोले प्रहार गरि खेतमा फालेको अवस्थामा भेटिएका थिए, ८ वर्षीय रिजन विद्यालयबाट घर पुग्नेबेला कपडा बदल्ने क्रममा हिर्काएर घाइते बनाएको रहेछ, दुबै बेहोस अवस्थामा हुदाहुन्,’ उनले भने ।
गम्भिर घाइते भएका २ वर्षीय रेसमको डडेल्धुरा अस्पतालमा उपचारका क्रममा मृत्यु भएको हो भने ८ वर्षीय रिजनको धनगढीमा उपचार भइरहेको जिल्ला प्रहरी कार्यालय बैतडीका सूचना अधिकारी, प्रहरी निरिक्षक लोकराज जोशीले जानकारी दिए । छोराका आमा र हजुरआमा घाँस काट्न पाखातिर गएकोबेला उक्त घटना भएको हो ।

गणेश साउँदले दुई हप्ता पहिले मात्रै छोरा दिपकलाई पनि कुटपिट गरेको बुझिएको छ । स्थानीयहरुका अनुसार मानसिक अवस्था ठिक नभएका गणेश केहिदिन पहिलेदेखि आक्रमक व्यवहार गर्ने गरेका थिए । ‘केहिदिन पहिले छोरालाई कुटपिट गरेका हुन, बिहिबार नातीमाथि आक्रमण गरे’ । एक स्थानीयले भने ।
निरज पञ्चकन्या आधारभुत विद्यालय मुडेलीमा कक्षा ३ मा अध्यानरत हुन् ।
जिल्ला प्रहरी कार्यालयका अनुसार गणेशलाई नियन्त्रणमा लिई कर्तव्य ज्यान मार्ने उद्योगमा मुद्धा दर्ता गरिएको छ । जिल्ला अदालत बैतडीले अनुसन्धानको लागि पहिलो पटक ७ दिनको म्याद दिएको छ । घटनाबारे अनुसन्धान भइरहेको जिल्ला प्रहरी कार्यालय बैतडीले जनाएको छ ।

प्रकाशित मिति: शुक्रबार, असार २९, २०८० २१:५४

प्रतिक्रिया दिनुहोस्