चुनावका बेला नयाँ गाडी किन्ने प्रहरीको प्रस्ताव

प्रदेश समाचार

Home
प्रदेश समाचार
चुनावका बेला नयाँ गाडी किन्ने प्रहरीको प्रस्ताव

चुनावका बेला नयाँ गाडी किन्ने प्रहरीको प्रस्ताव

prahari gadi.jpg

जेठ मसान्तभित्रै चुनाव गर्ने सत्तारुढ दलमा राजनीतिक सहमति भएसँगै स्थानीय चुनावको सुरक्षामा आवश्यक सुरक्षाकर्मी र सुरक्षा खर्च कत्ति चाहिन्छ भन्नेबारे पनि चासो बढेको छ । तर, गृह प्रशासन र सुरक्षा निकायका अधिकारीहरू सुरक्षा तयारी भन्दाअघि चुनावको मिति घोषणा हुनुपर्ने बताउँछन् । बरु यही बेला नयाँ गाडी किन्नुपर्ने प्रहरीको माग छ ।

प्रहरी महानिरीक्षक शैलेश थापा क्षेत्रीले केही दिनअघि पत्रकारहरूसँगको अनौपचारिक भेटमा प्रहरीलाई गाडी खरिदका लागि ९ अर्ब मागेको बताएका थिए । प्रहरी युनिटहरूका पुराना गाडी विस्थापन गर्न केही महिनाअघि गृह मन्त्रालयमार्फत अर्थ मन्त्रालयमा लेखापढी गरेर पठाए पनि प्रहरी प्रधान कार्यालयले बजेट पाएको छैन । सो बजेट निकासा भएमा त्यही खर्चमा चुनावका लागि आवश्यक गाडी खरिद गर्न सकिने प्रहरी प्रधान कार्यालयको भनाइ छ ।

प्रहरीलाई विगतमा निर्वाचनका बेला भारत सरकारले पनि सवारी साधन सहयोग गर्दै आएको थियो । नेपाल प्रहरीका एक उच्च अधिकृत जिल्ला प्रहरी कार्यालय र सहरी क्षेत्रका प्रहरी युनिटसँग भएका पुराना गाडीहरूको भरमा चुनावको सुरक्षा निकै सकसपूर्ण हुने बताउँछन् ।

प्रकाशित मिति: मंगलबार, माघ १८, २०७८ २२:००

प्रतिक्रिया दिनुहोस्