बैतडीमा पनि सुरु भयो माओवादीको ‘जनतासँग माओवादी’ अभियान

प्रदेश समाचार

Home
प्रदेश समाचार
बैतडीमा पनि सुरु भयो माओवादीको ‘जनतासँग माओवादी’ अभियान

बैतडीमा पनि सुरु भयो माओवादीको ‘जनतासँग माओवादी’ अभियान

nekapa.jpg

बैतडीमा पनि नेकपा माओवादी केन्द्रको ‘जनतासँग माओवादी’ विशेष रुपान्तरण अभियान सुरु भएको छ । पार्टीको केन्द्रीय कार्यक्रम अनुसार बैतडीमा पनि बिशेष रुपान्तरण अभियानसहित वडा तहदेखि संगठन सुदृढीकरण र संगठन विस्तारको काम हुने माओवादी केन्द्रका पाटन नगरकमिटी अध्यक्ष तर्क सिह ठगुन्नाले जानकारी दिए । शनिवारबाट सुरु भएको यो अभियान तीन महिना मंसिर १५ गते सम्म सञ्चालन हुने ठगुन्नाले बताए ।

नेकपा माओवादीले जनताको हितका लागि सरकारमा र सरकार बाहिर रहँदा निर्वाह गरेको भुमीकाका बारेमा उनीहरुलाई जानकारी गराउने उद्धेश्य सहित जनतासंग माओवादी बिशेष रुपान्तरण कार्यक्रम सुरु भएको केन्द्रिय सदस्य एवं बैतडी जिल्ला इन्चार्ज राम प्रशाद तिमील्सेनाले जानकारी दिए ।

यस अभियानमार्फत आसन्न निर्वाचनमा जनताको ‘मन जितेर मत प्राप्त गर्ने’ उद्देश्य राखेको छ। सोहीअनुसार आजबाट देशभर एकैपटक तीन महिने ‘जनतासँग माओवादी’ विशेष रुपान्तरण अभियान सुरु भएको हो। अभियानले संगठन निर्माण, विचारको विकास गर्नेमा अभियान महत्त्वपूर्ण हुने अपेक्षा गरिएको छ ।

जनतासंग माओवादी बिशेष रुपान्तरण अभियानको शनिबार अध्यक्ष पुष्पकमल दाहाल (प्रचण्ड)ले ७५३ ओटै स्थानीय तहमा एकैसाथ उद्दघाटन गरेका थिए । माओवादीको संगठनलाई पहिलाकै अवस्थामा ल्याउनका लागि अभियान केन्द्रित हुने पाटन नगरकमिटी अध्यक्ष तर्कसिह ठगुन्नाले बताए ।

प्रकाशित मिति: शनिबार, भदौ १६, २०८० १६:४१

प्रतिक्रिया दिनुहोस्