बैतडीको पुर्चाैडी भटनाका दुई जना दार्चुलाबाट चरेससहित पक्राउ

प्रदेश समाचार

Home
प्रदेश समाचार
बैतडीको पुर्चाैडी भटनाका दुई जना दार्चुलाबाट चरेससहित पक्राउ

बैतडीको पुर्चाैडी भटनाका दुई जना दार्चुलाबाट चरेससहित पक्राउ

बैतडीको पुर्चाैडी नगरपालिका–४ भटनाका दुई जना चरेससहित दार्चुलाबाट पक्राउ परेका छन् । दार्चुलाको शैल्यशिखर नगरपालिका नायलबाट मंगलवार बिहान करिव ९ किलोग्राम चरेशसहित दुई जना पक्राउ परेका हुन् ।

जिल्ला प्रहरी कार्यालयका अनुसार शैल्यशिखर नगरपालिका–९ नायलबाट ८ किलो ८५० ग्राम चरेससहित उनीहरूलाई पक्राउ गरिएको जिल्ला प्रहरी कार्यालय दार्चुलाका सूचना अधिकारी ज्ञानेन्द्रबहादुर सिंहले जानकारी दिए ।

पुर्चौडी नगरपालिका–४ भटनाका ३५ वर्षीया भावना धामी र सोही ठाउँका ४४ वर्षीय जयबहादुर धानुक रहेको उनले बताए । विशेष सूचनाको आधारमा इलाका प्रहरी कार्यालय गोकुलेश्वर र जिल्ला प्रहरी कार्यालय दार्चुलाबाट खटिएको प्रहरी टोलीले जाँच गर्दा उनीहरूको साथबाट ८ किलो ८५० ग्राम चरेस बरामद गरी नियन्त्रणमा लिएको प्रहरीले बताए ।

धामीको साथबाट ६ किलो र धानुकको साथबाट २ किलो ८५० ग्राम चरेस बरामद गरिएको हो ।दुवै जनालाई नियन्त्रणमा लिएर थप अनुसन्धान भइरहेको प्रहरीले जनाएको छ ।

प्रकाशित मिति: मंगलबार, भदौ २६, २०८० १३:५१

प्रतिक्रिया दिनुहोस्