बसको ठक्करबाट ज्यान गुमाएका महरा ५ मिनेटमै घर पुग्दै थिए

प्रदेश समाचार

Home
प्रदेश समाचार
बसको ठक्करबाट ज्यान गुमाएका महरा ५ मिनेटमै घर पुग्दै थिए

बसको ठक्करबाट ज्यान गुमाएका महरा ५ मिनेटमै घर पुग्दै थिए

बैतडी ।
बैतडीको पाटन नगरपालिका–८ घर भई बाजुरामा कार्यरत सशस्त्र प्रहरी हवलदार ४० बर्षीय नरेन्द्रसिंह महराको बस दुर्घटनामा मृत्यु भएको छ ।

मंगलबार बाजुराबाट ३ ओटा गाडीको यात्रा गरेर घर पुगिरहेका उनको हरिचन मोडमा मृत्यु भएको हो । उनलाई सुदूूरपश्चिम यातायातको ना ८ ख ७९७० नम्बरको बसले राति १बजे ठक्कर दिदाँ घटनास्थलमै मृत्यु भयो ।

महरा बाजुरादेखी स्याउले, स्याउलेदेखी डडेल्धुरा र डडेल्धुराबाट खोड्पे बजार सम्म फरक–फरक गाडिमा आएका थिए । अरुदिन कसैलाई पुगाइ माग्ने महरा मंगलबार भने हिडेरै घर गइरहेका थिए ।

फोनमा कुरा गर्दागर्दै हिडिरहेका उनको घर पुग्नै लाग्दा बसको ठक्करबाट ज्यान गयो । घटना भएको ठाउँमा सडकको केहि भाग पहिरोले पुरेको हुदाँ मोड साधुरो रहेकोछ । साघुँरो सडक भएपनि आफ्नै साइडमा हिडिरहेका उनलाई दु्रत गतिको बसले ठक्कर दिएको देखिन्छ ।

अहिले बस र चालक कञ्चनपूरको पुर्नवास घर भएका जनकराज गिरीलाई प्रहरीले नियन्त्रणमा लिएको छ । महरालाई ठक्कर दिएर भागेको बस खोचलेक प्रहरी चौकीले नियन्त्रणमा लिएको हो । यसअघि बसको पहिचान नहुदाँ स्थानियले अवरुद्ध गरेको दशरथचन्द राजमार्ग सुचारु भएको जिल्ला प्रहरी कार्यालयका प्रमुख, प्रहरी नायब उपरीक्षक दीपक गिरीले बताए ।

मृतक महरा ७ जना दाजुभाई मध्येका भाई हुन् भने उनको घरमा श्रीमती र १छोरा तथा १ छोरी रहेका छन् । छोरा कक्षा ८ र छोरी कक्षा ६ मा अध्ययरत छन् ।

प्रकाशित मिति: बुधबार, असोज १०, २०८० १०:४२

प्रतिक्रिया दिनुहोस्