बैतडी
स्थानियतहमा महिला समावेशीताको अवधारणा आएसंगै महिलाहरु नेतृत्वमा आउने क्रम पनि बढ्यो । तर कतिपय ठाउँमा महिलाहरु राजनितिमा कम सक्रिय रहेको भन्दै राजनितिक दलहरुले अन्य पेषामा आवद्ध लाई उम्मेदवार बनाए ।
बिगत २०७४को निर्वाचन होस् या आसन्न बैशाख ३०को निर्वाचन् । अधिकांश ठाउँमा शिक्षण पेषा, ब्यापार, उद्यम लगायतमा सामेल महिलालाई उम्मेदवार बनाउने प्रवृत्ति छ । तर नेकपा(एमाले)बाट बैतडीको दशरथचन्द नगरपालिकामा उपमेयरको दौडमा रहेको सरस्वती नेपालीको जिवनयात्रा भने नितान्त फरक छ । उनि २ दशक यता सक्रिय राजनितिमा छिन् ।
बालापन देखि नै समाज बदल्ने यात्रामा सामेल उनि यसअघि २०७४सालको निर्वाचनमा समेत उपमेयरको उम्मेदवार थिइन् । उतिबेला वर्तमान उपमेयर मिना चन्द संग झिनो मतान्तरले पराजित भइन् । तर यसपालि भने, उनलाई उपमेयर बनाउन नगरका मतदाताले उनको संघर्षसिल यात्रालाई बुझ्नुपर्ने हुन्छ ।
सरस्वती वाल्यावस्था देखि नै आफ्नो जीवनका उर्वर दिनहरु राजनीतिक तथा सामाजिक क्षेत्रमा समर्पण गर्दै आएकी छन् । किसोरावस्ताको सुरुवात देखीनै विद्यार्थी राजनितिमा सक्रिय उनले करिव १ दर्जन पटक त बिभिन्न आन्दोलन हरुमा भौतिक आक्रमण समेत खेपेकी छन् ।
२०६२/०६३को ऐतिहासिक जनआन्दोलनमा महिलाहरुको नगण्य सहभागी हुदैँगर्दा आफ्नो नगरमा आन्दोलनको कुशल नेतृत्व गरेकी व्यक्ति हुन उनि ।
उनको पहलमा अन्यायमा परेका कयौ व्यक्तिले न्याय पाएका छन् भने, धेरैको गासबासको व्यवस्था भएको छ । बैतडी जिल्लामा पहिलो चोटी ३० परिवार सुकुम्वासीले उनकै पहलमा लालपुर्जा प्राप्त गरी उचित बसोवासका लागि घर जग्गा पाए ।
उनि अन्यायमा परेका महिलाहरुको न्यायका लागि आफ्नो ज्यानको बाजी थापेर निरन्तर रुपमा संघर्ष गर्दै आएकी छन् ।
भूमि अधिकार आन्दोलनलाई राष्ट्रिय तथा अन्तर्राष्ट्रिय स्तरमा स्थापित गर्न काठमाण्डौँ देखि दिल्ली मार्च अभियानको अगुवाइ समेत गरिन् ।
आमा बुवा गुमाएका अनाथ बेसाहरा बालबालिकाको उचित शिक्षा र पालनपोषणका लागि विभिन्न निकाय संग समन्वय गरी अहिले सम्म दर्जनौ बालबालिकाको उद्धार गरेकी छन् ।
विश्व महामारीका रुपमा फैलिएको कोभिड १९ (कोरोना भाइरस)ले आम मानिसको जीवन अस्तव्यस्त बनाएका बेला उनले औषधी, अक्सीजन, स्वास्थ्य सामग्री र खाध्यान वितरण गरी गरीब तथा मजदुर परिवारलाई राहत पुर्याइन् ।
गत वर्ष असोज ३० गते देखि कार्तिक २ गते सम्म परेको बेमौसमी वर्षाबाट बाढि पहिरो पीडित परिवारलाई विभिन्न सरकारी तथा गैर सरकारी निकायको समन्ययमा पीडित परिवारलाई राहत उपलब्ध गराइन् ।
बेरोजगार महिला तथा युवा युवतीहरुलाई कृषि सहकारीका माध्यमबाट विभन्न सीपमुलक तथा आयमुलक कार्यक्रमहरु संचालन गर्दै आएकी छन् ।
कला साहित्य र अध्ययनको संस्कतिलाई विकाश गर्न अमर सहिद दशरथ चन्दको नामबाट पुस्तकालय निर्माण गरी हजारौ लेखकहरुका पुस्तकहरु निशुल्क उपलब्ध गराउने गरेकी छन् ।
उत्पीडित क्षेत्र, वर्ग, जाति, समुदाय लिङ्गका पक्षमा निरन्तर वकालत गरेवाफत हाल सम्म अन्तर्राष्ट्रिय दर्नाल अवार्ड लगायत दर्जनौं पुरस्कारबाट सम्मानित भैसकेकी छन् ।
जिवनभर त्याग, तपस्या र बलिदानले समाज बदल्ने दौडमा सधै सामेल क्षमतावान, सृजनशील, विवेकशील, इमान्दार सरस्वती नेपालीलाई यसपाली नगरबासीले उपमेयर बनाउलान की ? त्यो मतदाता कै हातमा छ ।
