बैतडी,
बैतडीको पाटन नगरपालिका–८मा भौतिक निर्माण सम्पन्न भएको ट्रमा सेन्टर सञ्चालनका लागि आवश्यक व्यवस्थापनको माग गर्दै प्रतिनिधिसभा सदस्य डा.सुनिल शर्मासमक्ष ज्ञापनपत्र ज्ञापन पत्र पेश गरिएको छ ।
बिहिबार खोड्पेमा वडा नं ८ को नेपाली कांग्रेस वडा समितिले आयोजना गरेको चियापन कार्यक्रममा प्रतिनिधिसभा सदस्य डा. शर्मासमक्ष ट्रमा सेन्टरको लागि आवश्यक सहयोगको माग गर्दै ज्ञापनपत्र पेश गरिएको हो ।
सिद्धेस्वर स्वास्थ्य चौकीसँगै रहेको ट्रमा सेन्टर सञ्चालनको लागि आवश्यक उपकरण र जनसक्ति व्यवस्थापनको माग गर्दै ज्ञापपत्र पेश गरिएको नेपाली कांग्रेस वडा सभापति मोहन सिंह बिष्टले जानकारी दिए ।
चियापन तथा ज्ञापनपत्र पेश गरिएको कार्यक्रममा वडा नं ८ का वडा अध्यक्ष हरिश बिष्ट, निवर्तमान वडा अध्यक्ष पृथ्बीराज पन्त, नेपाली कांग्रेस महादिवेशन प्रतिनिधि किरन कुमार राई, सिद्धेस्वर स्वास्थ्य चौकीका निमित्त इन्चार्ज जयराज भट्ट, लगायत सरोकारवाला प्रतिनिधिहरुको उपस्थिति रहेको थियो ।
सहभागिहरुले खोडपे क्षेत्र बैतडीसहित दार्चुला र बझाङको जक्सनको रुपमा रहेको उपयुक्त स्थानमा रहेको र यस क्षेत्रमा ट्रमा सन्टर सञ्चालनको लागि सरकारले चासो दिनुपर्नेमा जोड दिएका थिए ।
मुख्यतया सडक दुर्घटना र अन्य दुर्घटनामा परेकाहरुको तत्काल उपचार गर्न सक्ने सुविधा दिन सकिने ट्रमा सेन्टर सञ्चालनमा ल्याउन अपरिहार्य भएको वडा अध्यक्ष हरिश बिष्टले बताए ।
