डडेल्धुरा: स्थानीय निर्वाचनका लागि समावेशिकरणसंगै मतदाता शिक्षा

प्रदेश समाचार

Home
प्रदेश समाचार
डडेल्धुरा: स्थानीय निर्वाचनका लागि समावेशिकरणसंगै मतदाता शिक्षा

डडेल्धुरा: स्थानीय निर्वाचनका लागि समावेशिकरणसंगै मतदाता शिक्षा

स्थानीय निर्वाचनमा मानव अधिकार, लैगिंक समानता, समावेशिकरण र सशक्तिकरण बिषयक कार्यशाला डडेल्धुरामा सम्पन्न गरीएको छ । बागेश्वरी अशल शासन क्लव (बास) को आयोजनामा जिल्ला सदरमुकाममा एक दिने कार्यशाला सम्पन्न गरीएको हो ।

कार्यक्रममा सहभागीहरुलाई आसन्न स्थानीय तहको निर्वाचनमा महिला तथा सिमान्तकृत समुहका सम्भावित वर्गहरुको क्षमता बिकास र शसक्तिकरण संगै मतदाता शिक्षा पनि दिइएको थियो ।

आसन्न स्थानीय तहको निर्वाचनमा हालीएका भोटहरु कहिकतै पनि बदर नहोस भन्ने उद्धेश्यले कार्यक्रमको आयोजना गरीएको बास नेपालका तपेन्द्रबहादुर मलातीले जानकारी दिए । निर्वाचनको समयमा हालीएका भोटहरु बदर नहोस भन्नका लागि सहभागीहरुलाई नमुना मत पत्रमा भोट समेत हाल्न लगाइएको थियो ।

कार्यक्रममा जिल्लाको अमरगढी नगरपालिका ५ मा रहेका सिमान्तकृत दलित महिलाहरुको उल्लेख्य सहभागिता थियो भने कार्यक्रमले गर्दा मतदाता शिक्षामा अझ बढी जान्ने मौका पाएको सहभागीहरुले बताएका थिए ।

युनएनडिपी, ईएसपी र युएन वमेनको सहयोगमा बास नेपालले अहिले लुम्बीनी, सुदूरपश्चिम र कर्णाली प्रदेशमा यी कार्यक्रमहरु सञ्चालन गरीरहेको छ ।

प्रकाशित मिति: शनिबार, वैशाख २४, २०७९ १०:००

प्रतिक्रिया दिनुहोस्