बैतडीमा सासुको चुनाव प्रचारमा गएको भन्दै म्यादीले श्रीमती कुटे

प्रदेश समाचार

Home
प्रदेश समाचार
बैतडीमा सासुको चुनाव प्रचारमा गएको भन्दै म्यादीले श्रीमती कुटे

बैतडीमा सासुको चुनाव प्रचारमा गएको भन्दै म्यादीले श्रीमती कुटे

बैतडी,
बैतडीमा म्यादी प्रहरीले चुनाव प्रचारमा गएको भन्दै श्रीमतीमाथी निर्घाट कुटपिट गरेका छन् । जिल्लाको दशरथचन्द नगरपालिका– ८ की २९ वर्षीया धाना महरलाई ३० वर्षीय उनका पति जय महरले चुनाव प्रचार प्रसारमा गएको भन्दै निर्घात कुटपीट गरेका हुन् ।

नेकपा एमालेबाट वडा नं. ८ को सदस्य पदका लागि उम्मेदवारी दिएकी गाउँले सासु नाता पर्ने सिमा महरको प्रचारमा गएको भन्दै महरले श्रीमतीलाई निर्घात कुटपीट गरेका हुन् ।

पतिको कुटाईबाट घाईते भएकी धना महरलाई जिल्ला अस्पताल बैतडीमा भर्ना गरिएको छ । तीन छोरी सहित उनी अहिले अस्तालमा छन् । उनको टाउको, शरीर लगायतका ठाउँमा निलडाम छन् ।

‘बैशाख २३ गते शुक्रवार मदिरा सेवन गरी कुटपिट गरी भित्र पस्नै दिएन, गाउँलेको सहयोगपछि बल्ल भित्र पसेर भोकै सुते।’ घाईते महरले भनिन्, ‘बिहान पनि फेरी कुटपीटबाट घाइते बनाएपछि गाउँलेले उद्धार गरी अस्पताल पुर्याएको हो ।’

‘उजुरी दिन प्रहरीमा गएकी थिए, प्रहरीले पहिला उपचार गरेर आउनु अनि उजुरी दर्ता गरौँला भनेका छन् ।’ महरले भन्नुभयो । जिल्ला प्रहरी कार्यालय, बैतडीका प्रवक्ता इन्सपेक्टर लोकराज जोशीले भने घटनाबारे आफुलाई थाहा नभएको बताए ।
कुटपीट गर्ने धाना महरका पति जय महर म्यादी प्रहरी समेत हुन् ।

प्रकाशित मिति: शनिबार, वैशाख २४, २०७९ २०:१६

प्रतिक्रिया दिनुहोस्