वडाअध्यक्ष अक्षयकोषको रकमबाट विद्यार्थीहरुलाई पुरस्कार

प्रदेश समाचार

Home
प्रदेश समाचार
वडाअध्यक्ष अक्षयकोषको रकमबाट विद्यार्थीहरुलाई पुरस्कार

वडाअध्यक्ष अक्षयकोषको रकमबाट विद्यार्थीहरुलाई पुरस्कार

बैतडी,
बैतडीको पाटन नगरपालिका–९ स्थित सरस्वती आधारभूत विद्यालयमा स्थापना गरिएको ‘वडाअध्यक्ष अक्षयकोष’बाट विद्यार्थीहरुलाई पुरस्कार प्रदान गरिएको छ । निवर्तमान वडा अध्यक्ष लोकेन्द्र भण्डारीले २०७८ सालमा उक्त विद्यालयमा आफुले पाउने पारीश्रमिकबाट अक्षयकोष स्थापना गरेका थिए । सोही अक्षयकोषको ब्याज मार्फत आउने रकमबाट विद्यालय भरीमा उत्कृष्ट हुने विद्यार्थी, कक्षा प्रथम तथा अपांगता भएका र दलितका विद्यार्थीगरी ८ जना विद्यार्थीहरुलाई पुरस्कार प्रदान गरिएको हो । विद्यालयको ३३ औँ वार्षिकोत्सव कार्यक्रमबाट विद्यार्थीहरुलार्य पुरस्कार प्रदान गरिएको हो ।
अक्षयकोषको रकम प्रदान गर्दै निवर्तमान वडाअध्यक्ष भण्डारीले शैक्षिक क्षेत्रको विकास र विद्यार्थीहरुको हौसला बढाउनका लागि अक्षयकोष स्थापना गरेको बताए । आफु वडाअध्यक्ष हुदाँ उनले आफ्नो सेवा सुविधाको रकमबाट सरस्वती आधारभूत विद्यालयसँगै ज्ञानेश्वर मावि र सिद्धेश्वर मावि हुक्केडाडाँमा समेत अक्षयकोष स्थापना गरेका थिए ।

प्रकाशित मिति: शनिबार, फागुन १२, २०८० १५:१०

प्रतिक्रिया दिनुहोस्