बैतडी
आसन्न स्थानियतहको चुनावका लागि उम्मेदवारहरु घरदैलो अभियानमा व्यस्त रहेकाछन् । उम्मेदवार आफ्ना कार्यकर्ता सहित मतदाताको घरमा पुग्दैछन् ।
गर्मीको समय भएकाले बिहान÷साझँ आफ्नो काममा व्यस्त हुने मतदाता दिउँसोको समयमा प्रायः घरमै भेटिन्छन् ।
मतदातामा विगतका निर्वाचनको जस्तो उत्साह भने खासै देखिदैन् । तरपनि उनिहरु उम्मेदवार संग कुरा गर्न खप्पिस भैसकेकाछन् । कुनैपनी पार्टीको उम्मेदवार भेट्न आउदाँ भोट नदिने कुरा गर्दै गर्दैनन् । बरु कस्लाई के भन्ने पुर्व तयारीका आधारमा कुरा गर्छन् ।
उम्मेदवारका कायकर्ता भने नमुना मतपत्र समेत हातमै बोकेर मतदातालाई भोट हाल्न सिकाउछन् । तर मतदाता भने चुनाव तोकिएकै दिन कस्लाई भोट हाल्ने भन्ने कुराको तय गरिसकेको बताउछन् ।
यसअघि २०७४को निर्वाचनबाट चुनिएका व्यक्ति पुनः उम्मेदवार बनेका ठाउँमा भने भोट हाल्ने÷नहाल्ने बिषयमा मतदातालाई खासै समस्या हुने छ्रन् ।
यसअघि एकदिन वडा र एकदिन पालिकामा केहि कामका लागि पुगेका मतदाताले त्यहाँका जनप्रतिनिधि बारे धारणा बनासकेकाछन् । यसअघिका जनप्रतिनिधिबाट असन्तुष्ट रहेका मतदाता उनिहरुलाई मतदान गर्नुअघि पटक पटक सोच्ने भएकाछन् ।
मतदाताहरु आफ्ना सबै समस्या उम्मेदवारलाई सुनाउछन् । उम्मेदवार कुरा सुन्नु अघि नै आश्वासन दिन्छन् । अझ कमजोर भनिएका उम्मेदवारका आश्वासन बढी शसक्त देखिन्छन् । केहि उम्मेदवार चुनाव जितेको १५ दिन भित्र गाडि पुगाउने आश्वासन दिन्छन् । त्यो ठाउँका मतदाता अर्को उम्मेदवारलाई १०दिनमा सडक पुर्याउ भन्ने माग गर्छन् । विगतमा धोका पाएका मतदाता आफ्ना समस्या समाधान गरिदिने बिषयमा बार्गेनिंग समेत गरिरहेकाछन् ।
एक स्वतन्त्र व्यवसायीले भने ‘मतदाता हामीलाई थाहा छ भन्छन्, उनिहरुलाई के थाहा छ बुझ्न सकिएको छैन् ।’
