बैतडीःप्रहरीले सुटुक्क ताला तोडेपछि फेरी लगाइयो सिगास–१को कार्यालयमा ताला

प्रदेश समाचार

Home
प्रदेश समाचार
बैतडीःप्रहरीले सुटुक्क ताला तोडेपछि फेरी लगाइयो सिगास–१को कार्यालयमा ताला

बैतडीःप्रहरीले सुटुक्क ताला तोडेपछि फेरी लगाइयो सिगास–१को कार्यालयमा ताला

बैतडीको सिगास गाउँपालिका वडा नं १ को कार्यालयमा पुनः तालाबन्दी गरिएको छ । इलाका प्रहरी कार्यालयको टोलीले बुधबार यसअघि तालाबन्दी गरिएको ताला तोडेपछि आन्दोलनरत पक्षले फेरी तालाबन्दी गरेका हुन् । आफुहरुसँग समन्वय नगरीकनै ताला तोडेको भन्दै संघर्ष समितिले अप्रान्ह ४ बजे पुनः तालाबन्दी गरेका हुन् ।
आफुहरुसँग कुनै समन्वय नगरीकनै संघर्षका लागि लगाइएको ताला तोडेपछि पुनः तालाबन्दी गरेको दुदीलाखान–कुर्चेनेटा–गर्जे सडक संघर्ष समितिका संयोजक पवन चन्दले जानकारी दिए ।
आफुहरुसँग कुनै समन्वय नगरी एकलोटी रुपमा ताला खोलेपछि आन्दोलनलाई निरन्तरता दिन फेरी तालाबन्दी गरिएको संघर्ष समितिले जनाएको छ ।
संघर्ष समितिले ८ दिनदेखि दुदीलाखान–गाजरी सडकखण्ड अबरुद्ध पारेका छन् ।
दुदीलाखान–कुर्चेनेटा–गर्जे सडक संघर्ष समितिले कुर्चीनेटादेखि गर्जे सम्मको सडक अघि बढाउन माग गरेका छन् । तर यस विषयमा गाउँपालिकाले समेत हालसम्म आधिकारीक धारणा सार्बजनिक नगरेको संघर्ष समितिको भनाइ छ ।

प्रकाशित मिति: बुधबार, फागुन १६, २०८० १६:५३

प्रतिक्रिया दिनुहोस्