बैतडीःदुदीलाखान–गाजरी सडक प्रहरी प्रशासनले खोले लगत्तै पुनः बन्द

प्रदेश समाचार

Home
प्रदेश समाचार
बैतडीःदुदीलाखान–गाजरी सडक प्रहरी प्रशासनले खोले लगत्तै पुनः बन्द

बैतडीःदुदीलाखान–गाजरी सडक प्रहरी प्रशासनले खोले लगत्तै पुनः बन्द

बैतडी,
बैतडीको सिगास गाउँपालिका १ को दुदीलाखान देखि गाजरी जोड्ने सडक पुनः बन्द गरिएको छ । शनिबार दउँसो प्रहरी प्रशासनले यसअघि बन्द गरिएको सडक खोलेपछि दुदीलाखान–गाजरी–कुर्चीनटा –गर्जे सडक संघर्ष समितिले पुनः सडक बन्द गरेको हो ।
दुदीलाखान आसपासका क्षेत्रमा स्थानीयहरुले सडकमा ढुंगामुडा राखेर सडक पुनः अबरुद्ध पारेका हुन् । प्रशासनले संघर्ष समितिसँग कुनै पनि समन्य नगरी एकलौटी रुपमा सडक खोलेपछि पुनः सडक अबरुद्ध पारेको संघर्ष समितिका संयोजक पवन चन्दले जानकारी दिए । आफुहरुसँग कुनै समन्वय तथा जानकारी नगरी बलजफ्ती रुपमा सडक खोलेकाले पुनः सडक बन्द गरिएको उनले बताए ।
कुर्चीनेटादेखि गर्जे जोड्ने सडक अघि बढाउनुपर्ने माग राख्दै संघर्ष समितिले फागुन ८ गतेदेखि सडक बन्द गर्दै आएको छ ।
जिल्ला प्रहरी कार्यालयका प्रबक्ता एवं प्रहरी निरिक्षक नन्दराज जोशीले प्रहरी प्रशासनले सडक खोलेको तर बन्द भएको बारेमा जानकारी नभएको बताए ।
सडक खोल्नको लागि प्रहरी सशस्त्र प्रहरीको टोली आएको थियो । तर सडक खोल्नको लागि अएको सुरक्षा टोलीले संघर्ष समितिसँग समन्वय गर्नको लागि आह्वान गरेको भएपनि उनिहरुले अटेरी गरेको प्रशासनिक प्रतिनिधीहरुले बताएका छन् ।
तर प्रशासन निकायले सडकमा हानि नोक्सानी हुनेखालले सडक अबरुद्ध नपार्न आग्रह गर्दै आएको छ ।
लामो समयदेखि कुर्चीनेटादेखि गर्जे जोड्ने सडक अघि बढाउनुपर्ने भन्दै संघर्ष गरिदै आएको भएपनि गाउँपालिकाले यस मागप्रति चासो नदिएको संघर्ष समितिको आरोप छ ।
गाउँपालिका अध्यक्ष हरि सिंह धामीले जिल्लास्तरीय अनुगमन समितिलाई अनुगमन गरेर मार्ग प्रसस्त गर्नुपर्ने बताएका छन् ।

प्रकाशित मिति: शनिबार, फागुन १९, २०८० १९:३४

प्रतिक्रिया दिनुहोस्