बैतडीको पाटनमा शनिबार नमुना युवा नगरसभाको आयोजना हुदै

प्रदेश समाचार

Home
प्रदेश समाचार
बैतडीको पाटनमा शनिबार नमुना युवा नगरसभाको आयोजना हुदै

बैतडीको पाटनमा शनिबार नमुना युवा नगरसभाको आयोजना हुदै

बैतडी
बैतडीको पाटनमा प्रथम नगरस्तरीय नमुना युवा नगरसभा प्रशिक्षण तथा अभ्यास कार्यक्रम जारी रहेको छ । मंगलबारदेखि सुरु भएको कार्यक्रममा नमुना नगरसभाका लागि बिहिबार मेयर–उपमेयर तथा नगरसभाका सदस्यक्षहरु छनौट गरिएको छ । त्यसपछि लगातार नमुना नगरसभाको लागि अभ्यास भइरहेको आयोजक बैतडीका युवा समाजका अध्यक्ष खेमराज अवस्थीले जानकारी दिए । नमुना नगरसभाका लागि मेयरको रुपमा सन्जु भण्डारी चुनिएका छन् भने उपमेयको रुपमा निर्मला बिष्ट चयन हुनु भएको छ ।
शुक्रबार बजेट निमार्ण प्रक्रिया लगायतका बिषयमा समितिहरुमा छलफल भएको छ भने शनिबार नगर सभा आयोजना गरिने छ ।
जसमा पाटन नगरपालिका नगर प्रमुख तथा उपप्रमुखलाई निमन्त्रणा गरिएको छ । युवाहरूको क्षमता अभिवृद्धि गरि स्थानीय सरकार संचालनका बारेमा हुने अभ्यास तथा प्रक्रियाका बारेमा युवाहरूमा प्रशिक्षण प्रदान गरिने आयोजक बैतडी युवा समाजले जनाएको छ । १० वटै वडाबाट सहभागि युवा प्रतिनिधिहरुलाई स्थानीय सरकारमा नगर कार्यपालिका, नगर सभा, बजेट निर्माण तथा कार्यान्वयनका प्रक्रियाका बारेमा जानकारी तथा प्रशिक्षण प्रदान गरिएको छ ।

प्रकाशित मिति: शुक्रबार, फागुन २५, २०८० २०:२६

प्रतिक्रिया दिनुहोस्