बैतडी ।
नेकपा(एमाले)का केन्द्रीय कमिटी सदस्य तथा प्रदेश सभाका पुर्व सांसद लिलाधर भट्टले युवाहरुले आत्मनिर्भर बन्नका लागि स्वरोजगार बन्नुपर्नेमा जोड दिएकाछन् । बैतडी युवा समाजले आयोजना गरेको दशरथचन्द नगरपालिका स्तरीय नमुना युवा नगरसभा प्रशिक्षण तथा अभ्यास कार्यक्रममा बोल्दै उनले युवाहरुले आफ्नो जिवनमा प्रगती गर्नका लागि आफैले मेहेनत गर्नुपर्ने बताए ।
उनले राष्ट्रिय अन्तराष्ट्रिय स्तरमा युवावस्थामै मेहेनत गरेका व्यक्तिहरुले मुलुकको नेतृत्व गरिरहेको बताए । उनले आफु स्वंय युवा उमेरमा अत्यन्तै मेहेनत गरेका कारण राजनितिमा यो तह सम्मको सफलता प्राप्त गरेको उदाहरण दिए । आफु १३ बर्षको उमेर देखी भारतमा मजदुरी गर्दै २ बिषयमा स्नातकोत्तर सम्मको अध्ययन पुरा गर्दै राजनितिमा सकृय रहेको बताए । उनले अहिले निजि व्यवसाय सञ्चालन गरिरहदाँ दैनिक कामहरुमा आफै खटिने गरेको सुनाए ।
भट्टले भने, “अहिले युवाहरुमा राजनिति प्रति वितृष्णा त देखिन्छ तर यसरी सुधार हुन्छ भन्ने बिषयमा कम चासो छ, सिस्टमको विकास कसरी गर्ने भन्ने बिषयमा बहस चलाउनुप¥यो, समाज सुधारको खाका आफैले तयार गर्नुपर्छ, राष्ट्रिय÷अन्तराष्ट्रिय स्तरका प्रेक्टिसहरु अध्ययन गर्नुप¥यो, सरकारी ओहदाका व्यक्तिहरुको जिम्मेवारीका बिषयमा समेत ज्ञान छैन्, सिडिओबाट हुने कामका लागि मेयरलाई अनावश्यक दवाव दिने जस्ता कयन प्रवृत्तिहरु छन् यी यस्ता बिषयको जनचेतना अभिवृद्धि गर्नुपर्छ ।”
बैतडी युवा समाजका कार्यक्रमहरुले गाउँठाउँका समस्या र विकृतिहरुको अन्त्य गर्ने आधारले अघि बढ्न निवर्तमान सांसद भट्टको सुझाव छ । उनले युवाहरुले नमुना नगरसभाबाट तयगर्ने योजनामा बालबिवाहको अन्त्य गर्ने तथा सामाजिक कुरितिहरु हटाउने आधारका योजना निर्माण गर्न सुझाव दिए । कार्यक्रमका विशिष्ट अतिथी रहेका जिल्ला युवा समिति बैतडीका अध्यक्ष सुरेश सेरालाले युवाहरुले उद्यमशिलतामा ध्यान दिए आत्मनिर्भर बन्ने कुरामा जोड दिए । उनले युवानिती २०७२ युथ भिजन २०२५ का युवाका आधारस्तम्भ भएको बताए ।
कार्यक्रममा अध्यक्ष समेत रहेका बैतडी युवा समाजका संस्थापक अध्यक्ष खेमराज अवस्थीले समाजिक सञ्जालको बाट सुरुगरिएको जागरण अभियान पछी २बर्ष अघि बैतडी युवा समाज संस्थागत रुपमा स्थापना भएको बताए । उनले यस संस्था मार्फत समस्यामा परेका व्यक्तिको उद्धार हुनुका साथै युवा जागरणको अभियान सुरु गरेको बताए । राष्ट्रिय युवा परिषद र विभिन्न दातृ निकायहरु संग समन्वय गर्दै कार्यक्रमहरु गर्दै आएको उनको भनाई छ । नमुना युवा नगरसभा प्रशिक्षण तथा अभ्यास कार्यक्रम तीन दिन सम्म सञ्चालन हुनेछ ।
