पाटनमा नगरस्तरीय क्रिकेट प्रतियोगिता चैत २६ गतेदेखी, प्रथम पुरस्कार ३० हजार

खेल

Home
खेल
पाटनमा नगरस्तरीय क्रिकेट प्रतियोगिता चैत २६ गतेदेखी, प्रथम पुरस्कार ३० हजार

पाटनमा नगरस्तरीय क्रिकेट प्रतियोगिता चैत २६ गतेदेखी, प्रथम पुरस्कार ३० हजार

बैतडीको पाटनमा प्रथम नगरस्तरिय उदयदेव प्रिमियर लिग खुल्ला पुरुष टी–२० क्रिकेट प्रतियोगिता चैत २६ गतेदेखी हुने भएको छ । पाटन भ्याली क्रिकेट क्लबको आयोजनामा खुल्ला पुरुष टी–२० क्रिकेट प्रतियोगिता हुने भएको हो ।
पाटन भ्याली क्रिकेट क्लबले शनिबार उदयदेव मन्दिर परिषरका पत्रकार सम्मेलनको आयोजना गर्दै पुरुस्कार राशी र खेल आयोजना मिति सार्वजनीक गरेको हो ।
टेनिस बलले खेलाईने प्रतियोगीताको प्रथम पुरुस्कार नगद ३० हजार, द्धित्तिय पुरुस्कार नगद २० हजार ट्रफी र प्रमाणपत्र प्रदान गरिने आयोजक क्लबका अध्यक्ष विकास बिष्टले जानकारी गराए ।
खेलमा क्यान अफ दि सिरिज नगद ५ हजार, वेष्ट व्याट्सम्यान नगद ३ हजार, वेष्ट बलर नगद ३ हजार र इमर्जिङ प्लेयर नगद १ हजार ५ सय पुरुस्कार प्राप्त गर्नेछ । पाटन नगरपालिका भित्रका खेलाडीलाई मात्र सहभागी गराईने प्रतियोगीतामा दर्ता शुल्क ३ हजार ५ सय तोकिएको क्लबका सचिव सन्तोष जोशीले बताए ।
यस प्रतियोगितामा पाटन नगरपालिका भित्रकै क्लब र संघसस्थाले मात्रै सहभागिता जनाउन पाइने छ । प्रतियोगीताका लागत ४ लाख ५० हजार अनुमान गरिएको छ । विभिन्न समाजसेवी तथा खेलप्रेमी व्यक्तीहरुबाट १ लाख रकम संकलन भइसकेको आयोजकले जनाएको छ । आर्थिक सहयोगका लागि पाटन नगरपालिका लागयतका सरकारी तथा समाजीक संघसंस्थालाई आग्रह गरिएको जनाएको छ ।
प्रतियोगीताको उद्देश्य उदयदेव मन्दीर पाटन लगायतका पर्यटकीय क्षेत्रको प्रचार प्रसार गर्नु पर्ने रहेको अध्यक्ष विकास बिष्टले बताए । क्लबले तीन दिन होली खेल्ने कार्यक्रम पनि राखेको छ होलीबाट संकलन भएको रकम पनि क्रिकेटमै लगानी गरिने जनाएको छ । यही चैत्र २२ गतेसम्म टिर्ताको समय राखिएको छ ।
पत्रकार सम्मेलनमा जिल्ला खेलकुद समितीका अध्यक्ष चमनकिशोर भण्डारी लगायतका प्रशिक्षक खेलाडीहरुको उपस्थिती रहेको थियो ।