पाटनमा आजदेखि नगरस्तरीय परीक्षा हुदै, महत्वका साथ हेरिदैछ कक्षा ८ को परीक्षा

प्रदेश समाचार

Home
प्रदेश समाचार
पाटनमा आजदेखि नगरस्तरीय परीक्षा हुदै, महत्वका साथ हेरिदैछ कक्षा ८ को परीक्षा

पाटनमा आजदेखि नगरस्तरीय परीक्षा हुदै, महत्वका साथ हेरिदैछ कक्षा ८ को परीक्षा

बैतडी,
बैतडीको पाटन नगरपालिकामा भोलीदेखि नगरस्तरीय परीक्षा हुन गइरहेका छ । कक्षा १ देखि ९ सम्मको परीक्षा नगरपालिकाका ६३ वटै विद्यालयमा सुरु हुदैछ । सबै विद्यालयमासँगै परीक्षा हुने भएपनि यसवर्ष कक्षा ८ को नगरस्तरीय परीक्षालाई चासोका साथ हेरिएको छ ।
विश्वसनीय, पारदर्शी, परीक्षालाई थप प्रभावकारी बनाउने उदेश्यले कक्षा ८ को परीक्षमा कडाइ गरिएको हो । नगरस्तरीय शिक्षा समितिले कक्षा ८ को परीक्षाको लागि एक वडाको एक केन्द्र तोकेको छ । सोही निर्णय अनुसार अनुसार वडा शिक्षा समितिले सम्बन्धित विद्यालयका प्रद्यानाध्यापकहरुसँगको बैठकबाट परीक्षा केन्द्र तोकेको थियो । ती परीक्षा केन्द्रमा कक्षा ८ को परीक्षा हुने छ ।

कक्षा ८ का ६७० परीक्षर्थीक सहभागि हुदैछन् ।
शिक्षामा एकरुपता ल्याउनको लागि नगरपालिकाले यो अभियानको थालनी गरेको र सोही अनुसार वडाहरुमा पनि परीक्षाको तयारी पुरा भएको वडा नं ८ का वडा अध्यक्ष एवं नगरपालिकाका सामाजिक विकास समिति संयोजक हरिश बिष्टले जानकारी दिए । केन्द्राध्यक्ष नियुक्त गरी प्रश्नपत्र र उत्तरपुस्तिका सम्बन्धित परीक्षा केन्द्रमा पु¥याइसकिएको संयोजक बिष्टले बताए ।
कक्षा ८ को परीक्षा वडामा भइसकेपछि डी–कोडीङगरी नगरपालिमै उत्तरपुस्तिक परीक्षण गरिने नगरपालिकाका निमित्त शिक्षा साखा प्रमुख बिर्खराज भट्टले जानकारी दिए । ३५ नम्बर नल्याउने परीक्षार्थीको काक्षाउन्नती नहुने पनि उनले बताए । प्रत्येक विषयमा ३५ अंक ल्याउनै पर्ने उनको भनाइ छ ।

यस वर्ष विद्यार्थी, शिक्षक र अभिभावकका लागि कक्षा ८ को परीक्षा निकै चासो र चिन्ताको बिषय बनेको छ । नगरपालिकाको शिक्षा समितिले एक वडाको एक मात्रै परीक्षा केन्द्र तोक्ने निर्णय गरी कार्यान्वयनमा लैजादै गर्दा शिक्षामा सरोकार राख्ने प्रतिनिधिहरुले यस विषयमा फरक मत राखेका थिए । तर नगरपालिकाले भने झट्ट हेर्दा केही कठोर निर्णय गरेजस्तो लागेपनि शैक्षिक गुणस्तर अभिवृद्धी र मापनमा एकरुपता ल्याउने दाबी गर्दै निर्णय कार्यान्वयन गरिरहेको छ ।
आइबारबाट हुने परीक्षा शान्त र मर्यादित ढंगले संचालन गर्न सबै निकाय प्रतिबद्ध रहेको समेत नगरपालिकाले जनाएको छ ।

वडा शिक्षा समिति र नगर शिक्षा समितिले परीक्षको क्रममा बेलाबेला अनुमन गर्ने पनि जनाइएको छ । यसैगरी पाटन नगरपालिका–८ मा कक्षा ५ को परीक्षा वडास्तरीय हुन गइरहेको छ । शैक्षिक गुणस्तर मापन र एकरुपताको लागि भन्दै वडास्तरीय परीक्षा सुरु हुन गइरहेको छ । वडामा रहेका कक्षा ५ सम्मको परीक्षा आइतबार बिहान ११ बजेदेखि सुरु हुने छन् । वडास्तरीय परीक्षा समिति गठन गरिएको थियो । वडास्तरीय परीक्षाका उत्तरपुस्तिका वडामै चेकजाँच गरिने वडा अध्यक्ष हरिश बिष्टले जानकारी दिए ।

प्रकाशित मिति: आइतबार, चैत ४, २०८० ०७:०६

प्रतिक्रिया दिनुहोस्