बैतडी,
हरेक बर्ष मनाइदैँ आएको जातीय विभेद उन्मुलन दिवस बैतडीमा यसबर्ष समेत मनाइएको छ । जिल्ला स्थीत अािधारकर्मी, नागरिकसमाजका अगुवा तथा केहि राजनितिक दलमा प्रतिनिधिहरुले ५९औँ जातीय विभेद उन्मुलन दिवस मनाएका हुन् । यसै सन्दर्भमा नेकपा(एमाले) बैतडीले एक शुभकामना सन्देश जारी गरेको छ । पार्टी अध्यक्ष नरेश कुमार विश्वकर्माले जारी गरेको शुभकामना सन्देश यस प्रकार रहेको छ ।
शुभकामना
आज २१ मार्च अर्थात ५९औँ अन्तराष्ट्रिय जातिय विभेद उन्मुलन दिवस । यस अवसरमा स्वदेश तथा विदेशमा रहनुभएका दिदीबहिनी तथा दाजुभाइहरुमा हार्दिक बधाई तथा शुभकामना व्यक्त गर्दछु । कानुनि रुपमा अन्त्य भइसकेको मानव सभ्यताको कलंक जातिय विभेद र रंगभेद तथा छुवाछुतको अमानवीय प्रथालाई समाजिक रुपमा समुल अन्त्य गर्नका लागि आ–आफ्नो ठाउँबाट सक्रिय रहन म सबैमा हार्दिक आह्वान गर्दछु । रंगभेद लगायत विभिन्न अमानवीय प्रथा विरुद्ध आन्दोलनमा ज्यान गुमाउने सबैप्रति श्रद्धासुमन अर्पण गर्दछु ।
सन् १९६० आजैका दिन दक्षिण अफ्रिकामा जायीय विभेद र रंगभेदका विरुद्ध सान्तीपुर्ण ¥यालीमा उत्रिएका दर्जनौँ निहत्या नागरिकहरुले मृत्युवरण गरेका थिए । यसैदिनको सन्दर्भ पारेर संयुक्त राष्ट्रसंघले सन् १९६५मा जातीय विभेद उन्मुलन सम्वन्धी महासन्धी पारित ग¥यो । यसै दिन देखि विश्वव्यापी रुपमा जाती तथा रंगभेद उन्मुलन दिवस मनाउने प्रचलन सुरु भयो । नेपालले महासन्धीलाई सन् १९७१मा अनुमोदन गरेका थियो । नेकपा (एमाले) जातजाती, वर्ग, वर्ण, लिंग, धर्म, संस्कृति लगायतका आधारमा गरिने विभेद र शोषणको विरुद्ध लड्दै आएको पार्टी हो । हामिले मानव अधिकार र समाजिक न्यायलाई आफ्नो सैद्धान्तीक निष्ठाका रुपमा आत्मसाथ गरेका छौँ ।
कानुनि रुपमा वर्जित भएपनि छुवाछुत जस्तो अमानवीय प्रथा पुर्ण रुपमा अन्त्य हुन सकेको छैन् । त्यसलाई तोड्न समाजका सबै तप्काबाट जागरण अभियान चलाउन अवश्यक छ । नेकपा(एमाले)को अगुवाईमा निर्माण भएको नेपालको संविधान २०७२को प्रस्तावनामा सबै प्रकारका जातीय छुवाछुतको अन्त्य गर्ने कुरा उल्लेख छ । नेकपा(एमाले)को सरकारले छुवाछुत पीडित र प्रताडितहरुको आर्थिक सवलिकरण र सामाजिक मर्यादाका लागि नितिगत सुधारमा नेतृत्वदायी भुमिका खेलेको छ । आवास विहिन दलित र भुमिहिनका लागि आवास र भुमिको व्यवस्था गर्ने काम नेकपा(एमाले)को सरकारले अघि बढाएको थियो । समृद्ध नेपाल सुखि नेपालीको राष्ट्रीय आकांक्षा पुरागर्न जातीय आधारमा हुने सबै प्रकारका विभेद, कुरिति अन्धविश्वास, अपराध, बहिस्करण वञ्चितिकरण र हिंसालाई अन्त्य गर्नुपर्दछ । नेकपा(एमाले)लाई सवल बनाई राष्ट्रको यस आकांक्षा पुरागर्न सबैको साथ रहने छ भन्ने हाम्रो विश्वाश छ ।
अन्त्यमा ५९औँ अन्तराष्ट्रिय जातीय विभेद उन्मुलन दिवसका अवसरमा पुनः सबैमा हार्दिक बधाई तथा शुभकामना व्यक्त गर्दछु ।
...........
अध्यक्ष
नरेश कुमार विश्वकर्मा
आजै दशरथचन्द नगरपालिका बैतडीको नगर अधिवेशन सम्पन्न भएको पार्टी अध्यक्ष विश्वकर्माले बताए । मनोज बोहराको अध्यक्षतामा नगर कमिटी गठन गरिएको छ ।
