बैतडीको खोडपेमा सामान्य प्रशासन मन्त्री जोशीसँग छलफल

प्रदेश समाचार

Home
प्रदेश समाचार
बैतडीको खोडपेमा सामान्य प्रशासन मन्त्री जोशीसँग छलफल

बैतडीको खोडपेमा सामान्य प्रशासन मन्त्री जोशीसँग छलफल

बैतडी,
नेपाल सरकारका सामान्य प्रशासन मन्त्री भानुभक्त जोशीसँग बैतडीको खोडपेमा चियापन कार्यक्रमसहित अन्तरक्रिया गरिएको छ । गृहजिल्ला बझाङबाट काठमाण्डौ जान लागेका मन्त्री जोशी र नेपाली कांग्रेसका नेता एवं प्रतिनिधिसभा सदस्य बद्री पाण्डे लगयातका नेता कार्यकर्ताहरुसँग चियापान कार्यक्रमसहित अन्तरक्रिया गरिएको पाटन नगरपालिका ८ का वडा अध्यक्ष हरिश बिष्टले जानकारी दिए ।
समसामयिक राजनितिक घटनाक्रम र विकासका बारेमा छलफल गरिएको उनले बताए । स्थानीय तहमा कर्मचारी अभावका विषयमा छलफल गरिएको थियो ।
केन्द्रबाट स्थानीय तहमा खटाईने कर्मचारीहरु स्थिर नहुदा स्थानीय तहमा काम कारवाही गर्न समस्या हुने गरेको विषय जानकारी गराइएको वडा अध्यक्ष बिष्टले बताए ।
यस विषयमा मन्त्री जोशीले केन्द्रस्तरमा आवश्यक छलफल गर्ने बताएका थिए ।
छलफलमा सहभागि प्रतिनिधिसभा सदस्य पाण्डेले स्थानीय तहमा सबै जनप्रतिनिधिहरुले मिलेर काम गर्नुपर्नेमा जोड दिएका थिए । ‘प्रदेश र केन्द्रमा जस्तोसुकै समिकरण पनि भइरने गरेको छ, स्थानीय सरकार स्थिर सरकार हो, यहाँ जुनसुकै दलबाट प्रनितिधित्व गर्ने जनप्रतिनिधि भएपनि मिलेर काम गर्नुपर्छ,’ पाण्डेले भने ।
अन्तरक्रिया कार्यक्रममा जनप्रतिनिधि, बिभिन्न राजनितिक दलमा आबद्ध प्रतिनिधिहरु सहभागि थिए ।

प्रकाशित मिति: शुक्रबार, चैत १६, २०८० १२:३९

प्रतिक्रिया दिनुहोस्