पाटनमा विभेदपूर्ण लिङ्ग छनौट अन्त्यका लागि सरोकारवालाहरुसँग अन्तरक्रिया

प्रदेश समाचार

Home
प्रदेश समाचार
पाटनमा विभेदपूर्ण लिङ्ग छनौट अन्त्यका लागि सरोकारवालाहरुसँग अन्तरक्रिया

पाटनमा विभेदपूर्ण लिङ्ग छनौट अन्त्यका लागि सरोकारवालाहरुसँग अन्तरक्रिया

बैतडीको पाटन नगरपालिकाले विभेदपूर्ण लिङ्ग छनौट अन्त्यका लागि सरोकारवाला प्रतिनिधिहरुसङ्ग अभिमुखिकरण कार्यक्रम संचालन गरिरहेको छ । वडास्तरमै सरोकारबाला प्रतिनिधिहरुलाई अभिमुखिकरण कार्यक्रम गरिरहेको हो ।
सोमबार पाटन नगरपालिकाको वडा नं ८ मा विभेदपूर्ण लिङ्ग छनौट अन्त्यका लागि सरोकारवाला प्रतिनिधिहरुसङ्ग अभिमुखिकरण कार्यक्रम संचालन गरिएको हो । जनप्रतिनिधि, स्वास्थ्यकर्मी, स्वयंसेविका, शिक्षक, धामी पुजारी, किसोरकिसोरी लगायत सरोकारवाला प्रतिनिधिहरुसङ्ग अभिमुखिकरण कार्यक्रम गरिएको हो ।

जिल्लाको पाटन नगरपालिकामा लैङ्गिक अनुपातमा भिन्नता बढ्दै गएकाले छोरा र छोरीको समान पहुच गराउने उदेश्यकासाथ कार्यक्रमको आयोजना गरिएको नगरपालिकाले जनाएको छ । ्

पाटन नगरपालिकामा एक सय छोरी जन्मदा १४१ छोरा जन्मने गरेको तथ्यांकले देखाएको पाटन नगरपालिकाका स्वास्थ्य शाखा प्रमुख मदन सिंह महराले जानकारी दिए । नगरपालिकामा छोरीको तुलनामा छोराको जन्म अनुपात निकै बढ्दो अवस्थामा रहेको र भविष्यमा समस्या निम्तिने चुनौती रहेकाले अभिमुखिकरण कार्यक्रम संचालन गरिन लागिएको स्वास्थ्य शाखा प्रमुख महराले बताए । स्वास्थ्य शाखा प्रमुख महराले छोरा र छोरी समान हुन भन्ने भावनाको विकास गर्नुपर्ने आवश्यकता औल्याए ।

छोरीको समान पहुँचको लागि पालिकास्तरमा सचेतनाका कार्यक्रम संचालन गरिरहेको सयुक्त रास्ट्रसंघीय जनसंख्या कोषका जिल्ला सयोजक खगेन्द्र भट्टले बताए । कार्यक्रमका सभाध्यक्ष समेत रहनुभएका वडा न ८ का वडा अध्यक्ष हरिश बिष्टले वडास्तरमा बनेको कार्ययोजनालाई कार्य्वान्वयन गर्नमा सबैबाट सहयोगको अपेक्षा राखे । विभेदपूर्ण लिङ्ग छनौट अन्त्यका लागि वडास्तरमा हुने सहयोग सदैब रहने प्रतिबद्धता पनि व्यक्त गरे ।
कार्यक्रमका सहभागिहरुले पनि गाउँमा सचेतना जगाउने काम गर्नमा सहयोगको समेत अपेक्षा गरे ।
लिङ्ग पहिचान गरी गर्भपतन गराएमा २ वर्षसम्म कैद र १० हजार जरिवाना देखि ६ वर्षसम्म कैद र ५० हजारसम्म जरिवाना कैद सजाय कानुनी व्यवस्था गरिएको छ । यसैगरी कार्यक्रमका सहभागीले लिङ्ग छनौट अन्त्यका लागि आफ्नो क्षेत्रबाट पहल गर्ने बताएका थिए । कार्यक्रमका सहभागी शिक्षकहरुले विभेदपूर्ण लिङ्ग छनौट अन्त्यका लागि विधालयस्तरमा हुने कार्यक्रममा सचेतनाका कार्यक्रम संचालन गर्ने प्रतिवद्दता जनाएका थिए ।
वडास्तरको हानिकारक प्रचलन न्यूनीकरणका लागि वडा अध्यक्ष हरिश बिष्टको सयोजकत्वमा वडास्तरीय समन्वय समिती गठन गरिएको छ ।

प्रकाशित मिति: सोमबार, चैत १९, २०८० १८:३०

प्रतिक्रिया दिनुहोस्