दोस्रो कमल स्मृति भलिबल कपको उपाधी ज्वलन्त युवा क्लबलाई

प्रदेश समाचार

Home
प्रदेश समाचार
दोस्रो कमल स्मृति भलिबल कपको उपाधी ज्वलन्त युवा क्लबलाई

दोस्रो कमल स्मृति भलिबल कपको उपाधी ज्वलन्त युवा क्लबलाई

कमल बोहरा स्मृति भलिबल प्रतियोगिताको उपाधी ज्वलन्त युवा क्लबले जितेको छ । नेकपा एमाले बित्थडचिर गाउँ कमिटी बझाङको आयोजनामा बुधबारदेखि देउलेखमा सुरु भएको प्रतियोगिताको फाइनल खेलमा चिरासैनी युवा क्लबलाई ३-० सेटले हराउँदै ज्वलन्तले उपाधी जितेको हो ।

प्रतियोगिताको विजेता ज्वलन्त युवा क्लबले ४१ हजार १११ रुपैयाँ नगद, ट्रफी र प्रमाणपत्र प्राप्त गरेको छ । यस्तै उपविजेता हुने चिरासैनी युवा क्लबले २२ हजार ६११ रुपैयाँ र तृतीय हुने बौनाली टाइगरले १२ हजार ४११ रुपैयाँ प्राप्त गरेका छन । देवेश्वरी मावि देउलेखको खेल मैदानमा भएको प्रतियोगितामा गाउँपालिकाभरका १९ ओटा टिम सहभागी थिए ।

प्रतियोगितामाको समापन समारोहमा थलारा गाउँपालिका अध्यक्ष प्रकाश रोकायाले बित्थडचिर खेलकुदका लागि उर्वर भुमि रहेको बताए । उनले यस्ता प्रतियोगिताले खेलाडी उत्पादनमा महत्वपूर्ण सहयोग पुग्ने बताए । खेलाडीहरुमा अनुशासन र लगनशीलता जरुरी रहेको बताउदै सहभागी सबै टिमले उत्कृष्ट खेल प्रदर्शन गरेको उनले बताए ।

यस्तै कार्यक्रमका अध्यक्ष तथा एमाले बित्थडचिर गाउँपालिका अध्यक्ष दिपेन्द्र बोहराले प्रतियोगिता सम्पन्न गर्न सहयोग गर्ने सबैलाई धन्यवाद व्यक्त गरे ।

No description available.

उनले बित्थडचिर गाउँपालिकाले खेलकुदको बजेटमा कर्मचारी नियुक्ति गरेर तलबभत्ता खुवाइरहेको र हालसम्म एउटा प्रतियोगिता समेत गर्न नसकेको बताए । साथै आगामी बर्ष बित्थडचिरमा जिल्ला स्तरीय प्रतियोगिता आयोजना गर्ने समेत घोषणा गरे ।

प्रकाशित मिति: शुक्रबार, चैत ३०, २०८० १८:४६

प्रतिक्रिया दिनुहोस्