बैतडीको मेलौलीमा कक्षा ८ को परीक्षामा उत्कृष्ट विद्यार्थीलाई पुरस्कार

प्रदेश समाचार

Home
प्रदेश समाचार
बैतडीको मेलौलीमा कक्षा ८ को परीक्षामा उत्कृष्ट विद्यार्थीलाई पुरस्कार

बैतडीको मेलौलीमा कक्षा ८ को परीक्षामा उत्कृष्ट विद्यार्थीलाई पुरस्कार

बैतडीमा मेलौली नगरपालिकाले कक्षा ८ को परीक्षामा उत्कृष्ट विद्यार्थीलाई पुरस्कार दिने भएको छ । मेलौली नगरपालिकाले आधारभूत तह कक्षा ८ को परीक्षामा प्रथम द्धितिय र तृतिय स्थान हासिल गर्ने विद्यार्थीलाई पुरस्कृत गर्ने भएको हो ।

बैशाख ३ गते बसेको परीक्षा सञ्चालन तथा व्यवस्थापन समितिको बैठकले उत्कृष्ट विद्यार्थीलाई नगद सहित पुरस्कृत गर्ने निर्णय गरेको नगरपालिकाको शिक्षा युुवा तथा खेलकुद शाखाका प्राविधिक सहायक रोहित भट्टले जानकारी दिए । उनका अनुसार कक्षा ८ को बोर्ड परीक्षामा प्रथम भएका मणिलेक माविका पवन सिंह नायकले २० हजार पाउने छन् ।

May be an image of text

यस्तै द्धितिय भएका सोही विद्यालयका पुस्कर भट्टले १५ हजार र तृतिय स्थान हासिल गर्ने शितलपूर माविकी छात्रा अस्मीता विष्टले नगद १० हजार सहित प्रमाण पत्र पाउने बताइएको छ । सो पुरस्कारले विद्यार्थीमा प्रतिस्पर्धाको भावना जाग्ने र यसबाट सामुदायिक विद्यालयको शैक्षिक गुणस्तरमा सुधार आउने अपेक्षा गरिएकोे नगर प्रमुख भीम बहादुर चन्दले बताए ।

प्रकाशित मिति: मंगलबार, वैशाख ४, २०८१ १४:१६

प्रतिक्रिया दिनुहोस्