मतदान केन्द्रहरुको आवश्यक तयारी पुरा, कतैकतै आचारसंहिताको उल्लंघन

प्रदेश समाचार

Home
प्रदेश समाचार
मतदान केन्द्रहरुको आवश्यक तयारी पुरा, कतैकतै आचारसंहिताको उल्लंघन

मतदान केन्द्रहरुको आवश्यक तयारी पुरा, कतैकतै आचारसंहिताको उल्लंघन

Election Tayari Khodpe.jpg

बैतडी
बैतडीका २०५ वटै मतदान केन्द्रमा कर्मचारी र मतदानका लागि आवश्यक सामग्री पुगेका छन् । आसन्न स्थानीय तहको निर्वाचनमा मतदान अधिकृत, सहायक मतदान अधिकृत र अन्य कर्मचारीहरु मतदान केन्द्रमा पुगेका हुन् । सबैै मतदान केन्द्रमा मतदान अधिकृत तथा कर्मचारीहरु आवस्यक समाग्रीहरु लिएर केन्द्रमा पुगी सकेको निर्वाचन कार्यालय बैतडीका प्रमुख माधव प्रशाद फुयालले जानकारी दिए । जिल्लामा स्वयमसेवक बाहेक १०१८ जना कर्मचारी खटिएको उनले बताए ।

यसैगरी जिल्लामा २ हजार भन्दा बढी सुरक्षाकर्मी परिचालन गरिएको छ । नेपाल प्रहरी, शसस्त्र प्रहरी, नेपाली सेना र म्यादी प्रहरी गरी २ हजार भन्दा बढी सुरक्षा कर्मी परिचालन गरिएको प्रमुख जिल्ला अधिकारी राजेन्द्रदेव पाण्डेयले जानकारी दिए ।

मतदान केन्द्रबाटै बुधबार र बिहीबार मतदाता परिचय पत्र बितरण गरिदैँछ । पहिलोपटक मतदाता नामावलीमा नाम दर्ता गराएका र परिचय पत्रका लागि जिल्ला निर्वाचन कार्यालयमा निवेदन दिएकाहरूलाई आयोगले मतदाता परिचयपत्र वितरण गर्न लागेको हो ।

नागरिकता लिएर आफै उपस्थीत भइ मतदाता परिचय पत्र लिन सकिने जिल्ला निर्वाचन कार्यालयले जनाएको छ । यस्तै मतदाता परिचयपत्र लिन आउनेहरुलाई नमुना मत पत्रमा सहि तरिकाले मतदान गर्न पनि सिकाईने जिल्ला निर्वाचन कार्यालय बैतडीका प्रमुख फुँयालले बताए ।

आचारसहिंताका पुर्ण पालना भएन्
आसन्न स्थानियतहको निर्वाचनका लागि मंगलबार रातीदेखी मौन अवधी सुरु भएको छ । मौन अवधीमा निर्वाचन आचारसहिंताका पुर्ण पालना नभएको पाइएकोछ । मौन अवधीमा समेत प्रचरप्रसारका गतिबिधिहरु भैरहेकाछन् । मौन अवधीमा समत गाउँघरमा मत माग्न जाने तथा सामाजिक सञ्जालमा प्रचार सामग्रीहरु पोष्ट गर्ने लगायतका क्रियाकलाप भैरहेकाछन् । यसका साथै गाउँघर तथा बजारका पसलहरुमा लगाएका झण्डा तथा पोष्टरहरु हटाइएका छैनन् । प्रहरीले प्रचार सामग्री हटाउन आग्रह गरेपनी अटेरी गरिरहेका छन् । केहि ठाउँमा उम्मेदवार अझैपनि भोट माग्न घुमिरहेको पाइन्छ । यसअघि प्रचार प्रसारका क्रममा डिजे बजाउने, लोगो प्रयोग गर्ने तथा प्रचारमा बालबालिकालाई प्रयोग गरेको पाइएको छ ।

प्रकाशित मिति: बुधबार, वैशाख २८, २०७९ १६:१२

प्रतिक्रिया दिनुहोस्