छोरीलाई अस्पतालको सइयामा छाडेर भोट हाल्न आए अखिल स्थाई कमिटी सदस्य कुवर

प्रदेश समाचार

Home
प्रदेश समाचार
छोरीलाई अस्पतालको सइयामा छाडेर भोट हाल्न आए अखिल स्थाई कमिटी सदस्य कुवर

छोरीलाई अस्पतालको सइयामा छाडेर भोट हाल्न आए अखिल स्थाई कमिटी सदस्य कुवर

Jayant Kunwar.jpg

बैतडी
युवाहरुमा राजनिति प्रति वितृष्णा जाग्दै गएका बेला अहिले आसन्न निर्वाचन प्रति मतदातामा कम उत्साह देखिन्छ ।

यसअघिका जनप्रतिनिधिबाट अपेक्षा गरेका कुराहरु पुर्ति नहुदाँ मतदाता भोट हाल्न विगतका निर्वाचनहरुको जस्तो उत्साहित देखिदैनन् ।

तर काम विशेषले अथवा रोजगारीको सिल्सिलामा जिल्ला बाहीर रहेका केहि जिम्मेवार युवाहरु भने, आफ्नो मताधिकारको प्रयोग गर्न गाउँमा फर्किएका छन् । यसैबिच बैतडीको सुर्नया गाउँपालिका वडा न. ४का युवा जयन्त कुवर अप्रेसन गरेकी आफ्नी छोरीलाई अस्पातालको सइयामा छोडेर भोट हाल्न घर आएका छन् ।

अनेरास्ववियुका स्थाई कमिटी सदस्य समेत रहेका कुवरको छोरी सुदिक्षाको हात भाँचिएर धनगढी स्थीत अस्पतालमा अप्रेसन गरिएको छ । कुवर आफै छोरीलाई लगेर उपचार गराउन धनगढी गएका थिए । छोरीको उपचार पुरा नहुदैँ मतदान गर्ने दिन आएपछी उनि आज विहानै गाडी चढेर बैतडी फर्किएका हुन् ।

उनले आफन्तलाई अस्पतालमा छोरीको कुरुवा बसिदिन भन्दै मताधिकारको प्रयोग गर्न घर आएको बताए । आफ्नो गाउँठाउँमा उत्कृष्ट काम गर्ने व्यक्तिलाई चयन गर्नका लागी सबै मतदाताले आफ्नो मताधिकारको प्रयोग गर्नुपर्ने उनको भनाई छ ।

प्रकाशित मिति: बिहीबार, वैशाख २९, २०७९ ०८:२७

प्रतिक्रिया दिनुहोस्