बैतडीः बृहत खुला महिला–पुरुष भलिबल प्रतियोगिताको ट्रफी सार्वजनिक, २४ टिमको सहभागिता

खेल

Home
खेल
बैतडीः बृहत खुला महिला–पुरुष भलिबल प्रतियोगिताको ट्रफी सार्वजनिक, २४ टिमको सहभागिता

बैतडीः बृहत खुला महिला–पुरुष भलिबल प्रतियोगिताको ट्रफी सार्वजनिक, २४ टिमको सहभागिता

बैतडी,
यही जेठ ३ गतेदेखि बैतडीको देहिमाण्डौमा शुरु हुन गइरहेको बृहत अन्तरपालिकास्तरीय खुुला भलिबल महोत्सव तथा प्रतियोगिताको तयारी अन्तिम चरणमा पुगेको छ । नेपाल खेलकुद महासंघ बैतडीको आयोजनमा सञ्चालन हुन गइरहेको पालिकास्तरीय खुला माहिला पुरुष भलिबल प्रतियोगितामा शिवनाथ गाउँपालिका बाहेक जिल्लाका ९ वटै पालिकाले सहभागिता जनाउदैछ ।
देहिमाण्डौमा मंगलबार एक कार्यक्रमकाबीच ट्रफी सार्वजनिक गरिएको छ ।
महिलातर्फ १० र पुरुषतर्फ १४ टिमगरी २४ टिमले सहभागिता जनाउने जिल्ला खुलकुद महासंघका इन्चार्ज मनोज ठकुराठीले जानकारी दिए । शिवनाथ गाउँपालिकाबाट प्रतियोगितामा सहभागिता नजनाएको भएपनि जिल्ला खेलखुद महासंघ बैतडीका इन्चार्ज मनोज ठकुराठी लगायतको सहुमले महिलाको टोली सहभागि गराउदैछन् ।

पाटन र दनपाबाट महिला पुरुषतर्फका दुईदुई वटा टिमले सहभागिता जनाउदैछन् । मेलौली र सुर्नयाबाट पपिन पुरुषतर्फ दुईदुई टोली सहभागिता जनाउदैछन् ।
यसैगरी महिलातर्फ डिलाशैनी र सिगासले पनि सहभागिता जनाएको छैन । समूह चरणबाट खेलहरु खेलाइने आयोजकले जनाएको छ । खेल तालिका भोलि सार्बजनिक गरिने आयोजकले जनाएको छ ।
बृहत अन्तरपालिकास्तरीय खुुला भलिबल महोत्सव तथा प्रतियोगिताको उद्घाटन नेपाल सरकारका उद्योग बाणिज्य तथा आपूर्ती मन्त्री दामोदर भण्डारीले गर्नेछन् ।
बैतडीमा जन्मिएका कलाकारहरुले प्रतियोगिताको उद्घाटनमा आ–आफ्नो प्रस्तुती पनि राख्ने छन् ।
प्रतियोगीताको प्रथम पुरुस्कार ७७ हजार ७७७ रुपैया काम गरिएको छ । दोस्रो पुरुस्कार ५५,५५५÷–रहेको छ भने तेस्रो पुरुस्कार ४४,४४४÷– र सान्त्वना पुरुस्कार ३३,३३३÷– रहेको छ । प्रतियोगीताका उत्कृष्ट खेलाडीहरुलाई पुरुस्कारको व्यवस्था छ । नगद पुरुस्कारको साथमा मेडल र ट्रफि प्रदान गरिने आयोजकको भनाई छ । महिला र पुरुषतर्फ पुरस्कार राशी समान गरिएको छ ।
यस प्रतियोगितालाई भव्यरुपमा सम्पन्न गर्नको लागि तयारी अन्तिम चरणमा पुगेको खेलकुद महासंघ बैतडीका अध्यक्ष भुपेन्द्र चन्दले जानकारी दिए ।

प्रकाशित मिति: मंगलबार, जेठ १, २०८१ १४:५४

प्रतिक्रिया दिनुहोस्