बैतडीको ज्ञानेश्वर नमूना माविमा अंग्रेजी माध्यमबाट पठनपाठन सुरु

प्रदेश समाचार

Home
प्रदेश समाचार
बैतडीको ज्ञानेश्वर नमूना माविमा अंग्रेजी माध्यमबाट पठनपाठन सुरु

बैतडीको ज्ञानेश्वर नमूना माविमा अंग्रेजी माध्यमबाट पठनपाठन सुरु

बैतडीको ज्ञानेश्वर नमूना माध्यमिक विद्यालयले अङ्ग्रेजी माध्यमबाट पठनपाठन सञ्चालन गरेको छ । जिल्लाको पाटन नगरपालिका ९ विजयपुर स्थित ज्ञानेश्वर नमूना माविले यसै शैक्षिक सत्रदेखि अङ्ग्रेजी माध्यमबाट पठनपाठन सञ्चालन गरेको हो ।

समयानुकुल दक्ष जनशक्ति उत्पादन गर्ने उद्देश्यसहित विद्यालयले युकेजी र एलकेजीमा चालू शैक्षिक सत्रदेखि नै पठनपाठन सञ्चालन गरिएको प्रधानाध्यपक पुष्पराज जोशीले बताए । विद्यालय सेवा क्षेत्र भित्रका अभिभावकहरु सँगको समन्वयमा पठनपाठन सञ्चालन गरिएको उनले बताए ।

शैक्षिक गुणस्तर सुधारसँगै सामुदायिक विद्यालयमा विद्यार्थीहरुको आकर्षण बढाउन अङ्ग्रेजी माध्यमबाट पठनपाठन सञ्चालन गरिएको विद्यालय व्यवस्थापन समितिका अध्यक्ष एवं पाटन नगरपालिका वडा नम्बर ८ का वडाअध्यक्ष हरिश बिष्टले बताए । सामुदायिक विद्यालयको गुणस्तर वृद्धि सँगै विद्यार्थीहरुको आर्कषण बढ्ने अपेक्षा गरिएको उनले जानकारी दिए ।

पछिल्लो समयमा सामुदायिक विद्यालयहरुले पनि संस्थागत विद्यालयहरुले जस्तै अंग्रेजी माध्यमबाट पठनपाठन गरिहेका छन् । विद्यार्थी तथा अभिभावकहरुको रोजाइमा सामुदायिक भन्दा संस्थागत विद्यालयहरु पर्ने भएकाले सामुदायिक विद्यालयले पनि अङ्ग्रेजी माध्यमबाट पठनपाठन गरिरहेका हुन् । सामुदायिक भन्दा संस्थागत विद्यालयहरुमा अभिभावकहरुको रुचि बढीरहेकाले अङ्ग्रेजी माध्यमबाट पठनपाठन हुनु आवश्यक रहेको विद्यालयका सूचना अधिकारी मदन धामीले बताए ।

यसै शैक्षिक सत्रदेखि जिल्लाको दशरथचन्द नगरपालिका १ गुरुखोलामा रहेको मणिलेक माध्यमिक विद्यालयले पनि अङ्ग्रेजी माध्यमबाट पठनपाठन सञ्चालन गरीरहेको छ ।

प्रकाशित मिति: बिहीबार, जेठ १०, २०८१ १९:५१

प्रतिक्रिया दिनुहोस्