दशरथचन्द स्वास्थ्यचौकीमा सुत्केरी हुने आमालाई वडाको थप प्रोत्साहन

प्रदेश समाचार

Home
प्रदेश समाचार
दशरथचन्द स्वास्थ्यचौकीमा सुत्केरी हुने आमालाई वडाको थप प्रोत्साहन

दशरथचन्द स्वास्थ्यचौकीमा सुत्केरी हुने आमालाई वडाको थप प्रोत्साहन

बैतडीको दशरथचन्द नगरपालिका वडा नं ५ स्थित दशरथचन्द स्वास्थ्यचौकीमा बच्चा जन्माउने आमालाई वडा कार्यालयले थप प्रोत्साहन दिएको छ ।

वडा कार्यालयले चालु आर्थिक बर्षको वडाको बजेटमै थप प्रोत्साहन भत्ता व्यवस्था गरेको वडा अध्यक्ष केशवराज लेखकले जानकारी दिए । चालु आर्थिक बर्षमा स्वास्थ्यचौकीमा आएर बच्चा जन्माएका ५ जना आमाहरुलाई २ हजार ६ सयका दरले थप प्रोत्साहन भत्ता उपलब्ध गराएको उनले बताए ।

नेपाल सरकारले स्वास्थ्य संस्थामा सुत्केरी हुन आउने आमालाई यातायात बाफत २ हजार र चार पटक गर्भजाँच गरेबाफत ८ सय रुपैयाँ प्रोत्साहन भत्ता दिँदै आएको छ । सुरक्षित मातृत्व कार्यक्रम अन्तर्गत संघीय सरकारले उक्त रकम प्रदान गर्दै आएको छ ।

वडा कार्यालयले दशरथचन्द स्वास्थ्यचौकीमा बच्चा जन्माउने आमालाई थप प्रोत्साहन भत्ता दिँदै आएको वडा सदस्य नन्दा भट्टले बताइन् । घरमा हुने सुत्केरी शून्य बनाउन र सबैको स्वास्थ्य संस्थामा पहुँच बढाउन थप प्रोत्साहन भत्ताको व्यवस्था गरिएको उनले बताइन् ।

प्रकाशित मिति: शुक्रबार, असार २८, २०८१ १५:४३

प्रतिक्रिया दिनुहोस्