बैतडी
बैतडीका विभिन्न ठाउँमा मापदण्ड विपरित विद्युतिकरण गरिएको छ । जसका कारण दुर्घटनाको जोखीम रहेको छ । कतै उचित गहिराईमा नगाडेका कारण विद्युत खम्बाहरु ढल्ने अवस्थामा छन् भने, कतै विद्युत तारहरु बोट बिरुवालाई छुने गरेकाछन् । जसका कारण दुर्घटनाको जोखीम रहेको छ ।
जिल्लाको पुर्चौडी नगरपालिका वडा न.६ सनगाउँमा किसानका खेतमा लगाइएका केरा र कमैका पातहरुमा विद्युत तारहरुले छोएको स्थानिय शिक्षक जनक बहादुर धानुकले बताए । ‘विद्युतका खम्बाहरु ५सय मिटर बढीको दुरिमा छन्, जसका कारण तारहरु लप्केर बोट बिरुवालाई छुने गरेकाछन् । हामीले खेतबारीको घाँस काट्नुपर्ने र खुर्सानीका विरुवा रोप्नुपर्ने तर हामी खेतमै जान छाडेका छौँ ।’ उनले भने,‘ हाम्रो नजिकमा विद्युतका कर्मचारी छैनन्, नगरपालिका र विद्युत कार्यालयलाई जानकारी गराउदाँ कुनै सुनुवाई भएन् ।’
स्थानिय जनक धानुक, हिरा धानुक, नरपती धानुक लगायतको खेतबारीमा विद्युत तारहरुले बोटबिरुवामै छोएको हो ।
नगरपालिका भरिको विद्युतको समस्या लिएर नेपाल विद्युत प्राधिकरण वितरण केन्द्र बैतडी पुगेको पुर्चौडीका नगर प्रमुख दिपक बहादुर बमले बताए । उनले विद्युत लाईनमा आएको समस्या, थप विद्युतिकरण र विद्युतको बिल बुझाउन हुने झन्जटको समाधानका लागि प्राधिकरण प्रमुखलाई आग्रह गरेको बताए । पुर्चौडी क्षेत्रका घरहरुमा मिटर रिडर समेत नपुग्ने गरेकाले महशुल तिर्न समस्या भएको स्थानियको गुनासो छ ।
यता विद्युत प्राधिकरण वितरण केन्द्र बैतडीका प्रमुख जर्नाधन पौडेलले जनसक्ति अभावले गर्दा समस्या समाधान गर्न नसकेको बताए ।
उनले भने,‘ जोखिमयुक्त ठाउँहरुमा समस्या समाधानका लागि तत्काल कर्मचारी खटाउने गरेका छौँ । विद्युतको न्युटल तारले बोट छुदाँ बढी खतरा नभएपनि केराका पातहरु काटेर हुन्छ की के गरि हुन्छ, समाधान गर्छौँ, र अरु कामको सिल्सीलामा पुर्चौडी क्षेत्रमा पुगेका कर्मचारीलाई सनगाउँमा पठाएर समस्या हल गर्छौँ, महशुल बुझाउन समस्या भएको बिषयमा भने, अनलाईनबाट पनि बुझाउन सकिन्छ । त्यसको लागि हामी सहजीकण गर्छौँ, अहिले हामीसंग प्रयाप्त विद्युत सामग्री र जनशक्ति नभएकाले सबै समस्याहरु समाधान गर्न सकिएको छैन् ।’
विद्युत प्राधिकरण बैतडी साखामा नयाँ हाकिम आएपछि भने, अधिकांश समस्याहरु समाधान भएकाछन् । लाखौँ बक्यौता रकम अशुल भएको छ भने, बेलाबेलामा बत्ति जाने समस्या धेरै हदसम्म न्युनिकरण भएको छ । समस्या परेको ठाउँमा प्राविधिक टोली खटाउने तथा आफै उपस्थीत भई समस्याको समाधान गर्ने गरेकाछन् ।
