जापानमा निधन भएका जनकको अन्त्यष्टि गरियो, आर्थिक सहयोग जुट्दै

प्रदेश समाचार

Home
प्रदेश समाचार
जापानमा निधन भएका जनकको अन्त्यष्टि गरियो, आर्थिक सहयोग जुट्दै

जापानमा निधन भएका जनकको अन्त्यष्टि गरियो, आर्थिक सहयोग जुट्दै

बैतडी,
जापानमा निधन भएका जनक प्रशाद अवस्थीको अन्त्यष्टि गरिएको छ । त्यहाँको स्थानीय समय अनुसार बिहिबार दिउँसो करिब अढाइ बजेको समयमा जापानमै अन्त्यष्टि गरिएको हो ।
गत बैशाखमा अध्ययनसँगै रोजगारीको अवसर खोज्न जापान गएका पाटन नगरपालिका–३ का जनक प्रशाद अवस्थीको मंगलबार त्यहाको तलाउमा नुहाउने क्रममा डुबेर निधन भएको थियो ।
जनकको शव ३ दिन अस्पतालमै राखिएको थियो । आर्थिक अभाव र प्रक्रियागत समस्यामा अल्झिएपछि अन्त्यष्टिको समय लम्बिएको हो । जनकको शव नेपाल ल्याउन आर्थिक अभाव भएपछि जापानमै अन्त्यष्टि गर्ने आफन्तले बताएका थिए ।
जापामा पनि अन्त्यष्टि गर्न आर्थिक सहयोग जुटेको थियो । त्यहा गरिएको अन्त्यष्टिका लागि पनि करिब ५ लाख हाराहारी खर्च हुने बताइएको छ ।
हालसम्म करिब १ लाख हाराहारी आर्थिक रकम सहयोग जुटेको आफन्तले बताएका छन् । थप जुट्ने क्रम जारी छ । करिब ५ लाख रुपैया आर्थिक अभाव हुने भएकाले थप सहयोगीहरुबाट सहयोगको अपिल गरिएको छ ।
सुदूरपश्चिमेली सामाज जापानले २० हजार, एनआरएनए जापानले ३० हजार, दिलेन्द्र प्रशाद जोशीले १० हजार, भरत नेगीले १० हजार एकसय, इश्वर खड्काले ५ हजार ५ सय, मोहन सिंह मडैले १० हजार, बागलुङ सामाज जापानले १० हजार सहयोगगरेको आफन्तहले बताएका छन् ।
थप जुट्ने क्रम जारी छ । जापान स्थित सुूरपश्चिमेली सामाज, एनआरएनए, लगायत विभिन्न समितिहरु र आफन्तहरुले आर्थिक संकलन देखि प्रक्रियागत समस्यामा सहयोग गरिरहेका छन् ।
लाखौँ ऋण लिएर पढाईगरी रोजगारी समेत गरेर परिवारलाई सुख दिने ठूलो सपना बोकेका अवस्थीको निधन भएपछि परिवार तथा आफन्त विक्षिप्त बनेका छन् ।

प्रकाशित मिति: बिहीबार, साउन १०, २०८१ १४:२३

प्रतिक्रिया दिनुहोस्