बैतडीसहित सुदुरपश्चिमका तीन जिल्लामा इन्टरनेट सेवा अवरुद्ध

प्रदेश समाचार

Home
प्रदेश समाचार
बैतडीसहित सुदुरपश्चिमका तीन जिल्लामा इन्टरनेट सेवा अवरुद्ध

बैतडीसहित सुदुरपश्चिमका तीन जिल्लामा इन्टरनेट सेवा अवरुद्ध

बैतडीसहित सुदुरपश्चिमका तीन जिल्लामा इन्टरनेट सेवा अवरुद्ध भएको छ । शनिवार दिउँसो सवा दुई बजेदेखी बैतडी दार्चुला र बझाङ जिल्लामा इन्टरनेट सेवा अवरुद्ध भएको हो ।

डडेल्धुराको अमरगढी नगरपालिकाको भालुमारेमा नेपाल टेलिकमको फाइबर तार काटीदाँ इन्टरनेट सेवा अबरुद्ध भएको नेपाल टेलिकम डडेल्धुराका इन्जिनियर लक्ष्मण चन्दले जानकारी दिए । विद्युत प्राधिकरणको टोलीले लाइन मर्मत गर्ने क्रममा सोही पोलमा रहेको नेपाल टेलिकमको फाइबर काटिदा इन्टरनेट सेवा अवरुद्ध भएको उनले बताए ।

इन्टरनेट सेवा अवरुद्ध हुँदा बैतडी बझाङ् र दार्चुलाका सेवा ग्राहीहरु समस्या परेका छन् । बिहानैदेखी टेलिकमका प्राविधिक सहितका कर्मचारीहरु अवरुद्ध इन्टरनेट सञ्चालनका लागि सो ठाउँमा खटिएकाले साँझ सम्म सञ्चालनमा आउने नेपाल टेलिकम डडेल्धुरका इन्जिनियर चन्दले जानकारी दिए।

अहिले यी तीन जिल्लामा इन्टरनेट सहित फोन सेवामा समेत समस्या आएको छ । फोनमा टावर देखाएपनि कुराकानी गर्न समस्या हुने गरेको सेवाग्राहीले बताएका छन् ।

प्रकाशित मिति: आइतबार, भदौ ३०, २०८१ १६:१७

प्रतिक्रिया दिनुहोस्