खोड्पेमा संविधान दिवसको अवसरमा दीप प्रज्वलन्

प्रदेश समाचार

Home
प्रदेश समाचार
खोड्पेमा संविधान दिवसको अवसरमा दीप प्रज्वलन्

खोड्पेमा संविधान दिवसको अवसरमा दीप प्रज्वलन्

बैतडी
बैतडीको खोड्पेमा संविधान दिवसको अवसरमा दीप प्रज्वलन गरिएको छ । बिहिबार साँझ खोडपे बजारमा दीप प्रज्वलन गरिएको हो ।
बजार व्यवस्थापन समिति, फोर्स नेपाल संस्था र स्थानीय युवाहरुको अगुवाईमा बजारमादीप प्रज्वलन गरिएको हो । दीप प्रज्वलन कार्यक्रममा स्थानीय व्यावसायी, यहाँका युवाहरु, विभिन्न संस्थामा आवद्ध प्रतिनिधिहरुले खुसीयाली साटासट गर्दै शुभकामना आदानप्रदान गरेका थिए । संविधानले प्रत्याभूत गरेका अधिकारको चर्चा गरिएको थियो ।
सुभकामना आदान प्रदान गर्दै फोर्स नेपाल संस्थाका अध्यक्ष सन्दीप बहादुर बमले देशमा लामो संघर्ष र नेपालीको बलिदानका कारण बनेको संविधानले थुप्रै अधिकार प्रत्याभूत गरेको बताएका थिए । संविधान कार्यान्वयनका लागि सबै पक्षले अग्रसर हुनुपर्नेमा जोड दिएका थिए ।
शुभकामना आदानप्रदान गर्दै वडा नं ८ का वडा अध्यक्ष हरिश बिष्टले संविधान निर्माणपछि देशमा आएको परिपर्तनको लाभ जनाले लिइरहेको बताएका थिए । १० वर्षे सशस्त्र संघर्ष, २०६२÷६३को आन्दोलनका क्रममा थुप्रै नेपालीले जिवन आहुती दिनुपरेको र घाइते हुनुपरेको स्मरण गरेका थिए । संघर्षका क्रममा ज्यान गुमाएका र अंगभंग भएकाहरुलाई राज्यस्तरबाट सहयोग भइरहेको बताउदै संविधानबाट प्राप्त उपलब्धिको रक्षा गर्नु सबैको कर्तव्य भएको बताए ।

प्रकाशित मिति: बिहीबार, असोज ३, २०८१ १९:३५

प्रतिक्रिया दिनुहोस्