कामको कदर भएनः जसले कोरोनाकालमा ज्यान जोखिममा राखेर बिरामी बोके, अहिले निकालिए

प्रदेश समाचार

Home
प्रदेश समाचार
कामको कदर भएनः जसले कोरोनाकालमा ज्यान जोखिममा राखेर बिरामी बोके, अहिले निकालिए

कामको कदर भएनः जसले कोरोनाकालमा ज्यान जोखिममा राखेर बिरामी बोके, अहिले निकालिए

बैतडी,
पाटन नगरपालिकामा २०७५ मा सवारी चालकमा नियुक्त भएका दिनेश चन्द गत कार्यपालिका बैठकबाट करार अवधी नथपिने कर्मचारीको सूचीमा परे । ५ वर्षको अवधीमा दत्तचित्त भएर काम गरिरहेका दिनेशले आफ्नो कार्यको मुल्याङ्कन नगरेको गुनासो गरेका छन् ।
सुरुमा से १ ज २३८ नम्बरको गाडी चालकको रुपमा नियुक्त भएका दिनेशले यसबीचमा एम्बुलेन्स पनि चलाए ।
एम्बुलेन्स चलाउने क्रममा दिनेशले दर्जनौ कोरोना संक्रमितलाई मात्रै बोकेनन्, कोरोनाका कारण निधन भएकाहरुको शव समेत बोकेका थिए ।
‘ज्यान जोखिममा राखेर कोरोनाकालमा काम गरे, अन्य कर्मचारी र चालकहरु बिदा बस्दा अफुले कोरोनाको चपेटामा पनि काम गरे, तर अहिले हटाउने बेला बिना कारण हटाइयो,’ दिनेशले भने ।
आर्थिक भार कम गर्न नगरपालिकाले चालकसहितका कर्मचारीहरुलाई हटाउने योजना बनाएको भएपनि नियुक्तका आधारमा हटाउनुपर्ने उनको भनाइ छ । ‘मेरो नियुक्ती पुरानो हो, तर कुनै गल्तीको कारण नदेखाएरै हटाइयो’ उनले भने ।
पाटन नगरपालिकाले करारका कर्मचारीप्रति हेर्ने दृष्टिकोण निकै गलत भएको उनको भनाइ छ । स्थायी दरबन्दी भएका कर्मचारी सरुवा हुदापनि खादा माला लगाइने गरेको भएपनि करारका कर्मचारीलाई हटाउदा समेत गलत्याउने प्रवृति रहेको उनको भनाइ छ ।
नगरपालिकाको पुरानो गाडी से १ ज २३८ नम्बरको गाडीको लागि नियुक्त भएका चन्दलाई खोडपे गएर एम्बुलेन्स चलाउन भनिएको बुझिएको छ । यस विषमयमा चन्दले पनि एम्बुलेन्सको नियुक्ती नभएको जानकारी गराएका थिए । अन्य सवारीको नियुक्ती भई एम्बुलेन्स चलाउन नियमसँगत पनि नहुने ठानेर आफुले सो जानकारी गराएको बताए । ‘यसअघि पनि कठिन घडीमा नगरीनहुने अवस्था आएकाले गरेको हु, अहिले पनि पेलेर लग्न खोजियो,’ उनले भने ।
अहिले बिना कुनै गल्ती आफुलाई आफ्रनै नगरपालिकाबाट निकालिदा निकै खल्लो भएको उनले गुनासो गरेका छन् ।

प्रकाशित मिति: बिहीबार, असोज १७, २०८१ ०६:१४

प्रतिक्रिया दिनुहोस्