पाटन–७बाट तीन दर्जन युवाहरु रास्वपामा आबद्ध

प्रदेश समाचार

Home
प्रदेश समाचार
पाटन–७बाट तीन दर्जन युवाहरु रास्वपामा आबद्ध

पाटन–७बाट तीन दर्जन युवाहरु रास्वपामा आबद्ध

बैतडी,
बैतडीको पाटन नगरपालिका वडा नं ७ बाट करिब ३ दर्जन युवाहरु राष्ट्रिय स्वतन्त्र पार्टीमा प्रवेश गरेका छन् । संगठन विस्तार गरिरहेको रास्वपाले वडा नं ७ बाट सो संख्याका युवाहरुलाई पार्टीमा भित्र्याएको जनाएको छ ।
रोजगारीको सिलसिलामा घर बाहिर रहेका युवाहरुलाई अनलाइनको माध्यमबाट पनि सदस्यता दिइएको र भौतिक उपस्थितिबाट पनि युवाहरुलाई रास्वपामा भित्र्याएको रास्वपा पाटन नगरपालिकाका सभापति हेमन्त ऐरले जानकारी दिएका छन् ।
रोजगारीको सिलसिलामा रहेर पनि पार्टीमा आबद्ध हुन इच्छुक युवा साथीहरुलाई अनलाइनको माध्यमबाट सदस्यता प्रमाणीकरण गराई पार्टी प्रवेश गराएको नगर सभापति ऐरले बताएका छन् ।
पाटन नगरपालिकामा मात्रै हालसम्म करिब दुई सय जनाभन्दा बढीलाई अनलाइनकै माध्यमबाट सदस्यता उपलब्ध गराईएको र अझैपनि सदस्यता प्रमाणीकरणकै क्रममा रहेको रास्वपा पाटनले जनाएको छ ।
अन्य सदस्य बन्न इच्छुकहरुलाई केही समयपछि अभियाननै सञ्चालन गरेर १० वटै वडामा संगठन विस्तारलाई अझै प्रभावकारी ढंगले अगाडि बढाउने सभापति ऐरले जानकारी दिनुभयो ।
पाटन नगरपालिका लगायत जिल्लाभरीमा पनि विभिन्न पेशामा आवद्ध भएका व्यक्तिहरु, सामाजिक अगुवा र इच्छुक सबै युवाहरुलाई आवद्ध गराई रास्वपा केन्द्रिय सभापति रबि लामिछानेको हातबाटै सदस्यताको कार्ड वितरण गर्ने योजना रहेको भएपनि परिस्थिति भिन्न भएकाले अहिले अनलाईन र केही भौतिक उपस्थितिबाट पनि सदस्यता वितरण भइरहेको ऐरले बताए ।

केन्द्रिय सभापति लामिछानेलाई गठबन्धनको सरकारले दम्ब देखाउँदै राजनीतिक प्रतिशोध साँधेर पक्राउ गरेको उनको जिकिर छ ।
अझैपनि जिल्लामा सदस्यता वितरणको काम निरन्तर भइरहेको रास्वपाले जनाएको छ ।
पार्टी प्रवेश गर्नुभएका युवाहरूले अन्य पार्टीहरूले विगतमा गरेको भ्रष्टाचार र अनियमिताले देशनै डुब्न लागेको अरोप लगाउदै केही नयाँ गर्छु भनेर राजनीतिमा आएका नयाँ दलका मान्छेहरूलाई विभिन्न किसिमका झुटा मुद्दा लगाएर जेलमा थुन्ने र राजनीतिक प्रतिशोध देखाउने आरोप लगाएको समेत उनको भनाइ छ ।
देशको समृद्धिका लागि हरेक तहबाट सबैको सहयोगको अपरिहार्य रहेको बताउनुभएको छ। विभिन्न परिस्थितिलाई सामना गर्दै पार्टीलाई विश्वास गरेर प्रवेश गरेका सबै युवा साथीहरूलाई राष्ट्रिय स्वतन्त्र पार्टी जहिले पनि सहयोग को लागि तत्पर रहने भनेर राष्ट्रिय स्वतन्त्र पार्टीका पाटन नगर सभापति ऐरले बताउनुभएको छ।