बैतडीमा बागी उम्मेदवार उठेका नेताको कारवाही फकुवा गर्न छलफल चलिरहेको छःएनपी साउँद

प्रदेश समाचार

Home
प्रदेश समाचार
बैतडीमा बागी उम्मेदवार उठेका नेताको कारवाही फकुवा गर्न छलफल चलिरहेको छःएनपी साउँद

बैतडीमा बागी उम्मेदवार उठेका नेताको कारवाही फकुवा गर्न छलफल चलिरहेको छःएनपी साउँद

बैतडी,
गत आम निर्वाचनमा बागी उम्मेदवार उठेका नेताहरुको कारवाही फकुवा गर्नको लागि केन्द्रमा छलफल चलीरहेको कांग्रेस नेता एनपी साउँदले बताएका छन् । नेपाल प्रेस युनियन बैतडीको आयोजनामा बिहीबार पाटनमा आयोजना गरिएको पत्रकार सम्मेलनमा नेता साउँदले सो कुरा बताएका हुन् ।
बैतडीमा गठबन्धनका बिरुद्धमा बागी उम्मेदवार उठेका नेताहरु र तीनिहरुलाई सहयोग गरेका अन्य नेता कार्यकर्ताहरुको कारवाही फकुवाका विषयमा केन्द्रमा छलफल भइरहेको साउँदले बताएका छन् । ‘केन्द्रमा छलफल भइरहेको छ, कसकसको फकुवा हुन्छ, निर्णय छिट्टै हुन्छ,’ कांग्रेसका केन्द्रिय सदस्य समेत रहेका साउँदले भने ।
कांग्रेस माओवादी गठबन्धनका बिरुद्धमा नेता केशव बहादुर चन्द र हरिमोहन भण्डारी स्वतन्त्र उम्मेदवार बनेका थिए । त्यसपछि कांग्रेसले उम्मेदवार र उनिहरुसँगै जोडिएका नेता कार्यकर्ताहरुलाई पनि कारवाही गरेको थियो ।
यसैगरी नेता साउँदले बैतडीमा नेवि संघमा देखिएको विवाद पनि छिट्टै समाधान हुने बताएका छन् । कांग्रेसको सय दिने अभियानका जिल्ला संयोजक समेत रहेका नेता आंगेलु सेर्पाले नेवि संघमा देखिएको विवाद अभियानकै दौरानमा समाधान हुने बताएका छन् ।

‘हामि ऋण लिने पक्षमा छैनौं, अनुदान स्वीकार्छौँ’
पूर्वमन्त्री नारायण प्रकाश साउँद, (एनपी) साउँदले सरकार थप ऋण लिने पक्षमा नरहेको बताएका छन् । बिहिबार बैतडीमा प्रेस युनियनले आयोजना गरेको पत्रकार सम्मेलन मार्फत बिआरआई परियोजनाका विषयमा आफ्नो धारणा राख्दै नेता एनपी साउँदले छिमेकी देशबाट सहयोग र अनुदान लिन सकिने तर ऋण लिने पक्षमा सरकार नरहेको बताएका हुन् ।
नेपालको अर्थतन्त्र दवाब र चापमा काम गरिरहेका परिस्थितिमा थप ऋण लिन नहुने पक्षमा आफुहरु रहेको उनले बताए । ‘हामि ऋण थप्ने पक्षमा छौनौँ, छिमेकी राष्ट्रहरुबाट हाम्रो प्राथमिकताको पक्षमा पर्ने विषय भयो भने त्यस्तो अनुदान र सहयोग लिने पक्षमा छौँ, तर ऋण हामि लिन चाहादैनौँ ।,’ नेता साउँदले भने ।
नेपाल अहिले पनि ऋणको बोझले दविएको र थिचिएको अवस्थामा रहेको र यसमा थप भार पर्ने काम गर्न नहुने पक्षमा रहेको उनको भनाइ छ ।
नेता साउँदले भूराजनितिको अध्यायन नगरिकन ऋण भार थपेको अवस्थामा थप नाकारात्मक प्रभाव पर्ने उनको भनाइ थियो ।

प्रकाशित मिति: बिहीबार, मंसिर १३, २०८१ १६:४९

प्रतिक्रिया दिनुहोस्