प्रदेश सरकारद्वारा विधेयक संसोधनको लागि सुझाव संकलन

प्रदेश समाचार

Home
प्रदेश समाचार
प्रदेश सरकारद्वारा विधेयक संसोधनको लागि सुझाव संकलन

प्रदेश सरकारद्वारा विधेयक संसोधनको लागि सुझाव संकलन

सुदूरपश्चिम प्रदेश सरकारले प्रदेश स्थानीय सेवा संगठन सञ्चालन तथा सेवाका सर्तसम्बन्धी व्यवस्था गर्न बनेको विधेयकमाथि राय सुझाव संकलन गरेको छ । कर्मचारी व्यवस्थापन सम्बन्धीका विधेयक संसोधनको लागि सुझाव संकलन गरेको हो । सोही क्रममा बैतडीको पाटनमा बैतडी तथा दार्चुलाका कर्मचारीहरुबाट सुझाव संकलन गरिएको थियो ।
प्रदेश सरकारले कर्मचारी व्यवस्थापन सम्बन्धीका केही कार्यविधिहरु संसोधन गर्ने तयारी गरेको र त्यसकैलागि कर्मचारी तथा जनप्रतिनिधिहरुबाट सुझावहरु संकलन गरिएको प्रदेशसभा सदस्य लक्ष्मी बिकले जानकारी दिइन् ।
ऐन तथा कार्यविधिहरु परिमार्जनको लागि जनप्रतिनिधिहरुबाट पनि सुझावहरु मागिएको उनले बताए । १३ किसिमका कर्मचारी प्रदेश सरकार मातहत रहेका छन् । कर्मचारीको व्यवस्थापनका सम्बन्धमा विधेयक निर्माणको तयारी भइरहेको छ ।
यसरी संकलन गरिएका सुझावहरु परिमार्जन विधेयकमा समावेस गरिएको अर्की प्रदेशसभा सदस्य जानकी ऐर बमले जानकारी दिइन् । कर्मचारहिरुले सरुवाबढुवा देखि वृद्धिविकासका लागि कुराहरु मुख्य मागहरु रहेको उनले बतइन् ।
सुदूरपश्चिम प्रदेशकाम ९ वटै जिल्लाबाट कर्मचारीहरुका सुझावहरु संकलन गरिएको छ । सुझावको आधारमा विधेयक परिमार्जन गर्नको लागि प्रदेश सरकार अघि बढेको बताइएको छ ।
सुझाव संकलन कार्यक्रममा विधायन समितिका प्रमुखसहितका सदस्यहरु, स्थानीय तहका कर्मचारीहरु तथा जनप्रतिनिधिहरुको सहभागिता रहेको छ ।