बैतडीमा भन्सार छलेर ल्याएका १६ लाख ३२ हजारको बिँडीसहित दुई जिप नियन्त्रणमा

प्रदेश समाचार

Home
प्रदेश समाचार
बैतडीमा भन्सार छलेर ल्याएका १६ लाख ३२ हजारको बिँडीसहित दुई जिप नियन्त्रणमा

बैतडीमा भन्सार छलेर ल्याएका १६ लाख ३२ हजारको बिँडीसहित दुई जिप नियन्त्रणमा

बैतडी,
बैतडीमा भन्सार छली गरेर ल्याएका ३२ पेटी बिँडीसहित दुईवटा गाडी नियन्त्रणमा लिइएको छ । जिल्ला प्रहरी कार्यालय बैतडीका अनुसार मंगलबार जिल्लाको छुट्टाछुट्टै स्थानबाट भन्सार छली गरेर ल्याएका बिँडी र गाडी नियन्त्रणमा लिइएको हो ।
दोगडाकेदार गाउँपालिका वडा नं ४ को लट्कली भन्ने स्थानबाट से १ ज ८४४ नम्बरको जिपबाट ८ लाख १६ हजार मुल्य बराबरको १६ पेटी बिँडी र सोही वडा घर भएका जिप चालक २६ वर्षीय सुरज सिंह ठगुन्नालाई नियन्त्रणमा लिइएको जिल्ला प्रहरी कार्यालय बैतडीका सूचना अधिकारी, प्रहरी निरीक्षक बलाराम पाण्डेयले जानकारी दिए ।
यसैगरी सुर्नया गाउँपालिका वडा नं ६को रिगा भन्ने स्थानबाट से १ ज २४१ नम्बरको जिपबाट अन्दाजी ८ लाख १६ हजार मुल्य बराबरकै १६ पेटी बिँडी र सुर्नया गाउँपालिका वडा नं २ घर भएका २१ वर्षीय हरिश बिष्टलाई नियन्त्रणमा लिइएको प्रहरी निरीक्षक पाण्डेयले जानकारी दिए ।
दुवै चालकसहितका गाडी र अवैध बिँडी भन्सार कार्यालय झुलाघाटमा आवश्यक कारवाहीको लागि पठाएको प्रहरीले जनाएको छ ।

प्रकाशित मिति: मंगलबार, पुस १६, २०८१ १७:४६

प्रतिक्रिया दिनुहोस्