रौलाकेदार बहुमुखी क्याम्पस सञ्चालक समितिका सदस्य मडैको निधन

प्रदेश समाचार

Home
प्रदेश समाचार
रौलाकेदार बहुमुखी क्याम्पस सञ्चालक समितिका सदस्य मडैको निधन

रौलाकेदार बहुमुखी क्याम्पस सञ्चालक समितिका सदस्य मडैको निधन

बैतडी–बैतडीको सुर्नया गाउँपालिका–५ स्थित रौलेश्वर मावि रामकीबरायलका विद्यालय व्यवस्थापन समितिका अध्यक्ष अर्जुनसिंह मडैको निधन भएको छ । ७८ बर्षीय मडैको आइतबार बिहान साढे ८ बजेतिर निधन भएको राैलाकेदार बहुमुखी क्याम्पस प्रमुख भरत बहादुर मडैले बताए ।

लामो समयदेखि दम रोगबाट पीडित मडैको निधन भएको उनको पारिवारिक श्रोतले जनाएको छ । पूर्व स्वास्थ्यकर्मी समेत रहेका मडै पछिल्लो समयमा सामाजिक क्षेत्रमा क्रियाशील रहेका थिए ।
विद्यालय व्यवस्थापन समितिका अध्यक्ष मडैको निधन भएपछि रौलेश्वर मावि रामकीबरायलले आज एक दिन शोक बिदा दिएको छ ।

यस्तै मडै रौलाकेदार बहुमुखी क्याम्पस सञ्चालक समितिका सदस्य समेत रहेका थिए । मडैको निधनमा क्याम्पसले पनि आज शोक बिदा दिएको क्याम्पस प्रमुख भरत मडैले बताए ।
मडैको भोलि मात्रै अन्तिम संस्कार गरिने बताइएको छ । उनका छोराहरु बाहिर रहेकाले उनीहरु आएपछि भोलि अन्तिम संस्कार गरिने क्याम्पस प्रमुख मडैले जानकारी दिनु भएको छ।

प्रकाशित मिति: आइतबार, फागुन २५, २०८१ २३:४४

प्रतिक्रिया दिनुहोस्