कालागाउँ घटनाः सुरेन्द्रको हत्यामा संलग्न अभियुक्त कर्णबहादुर सार्वजनिक

प्रदेश समाचार

Home
प्रदेश समाचार
कालागाउँ घटनाः सुरेन्द्रको हत्यामा संलग्न अभियुक्त कर्णबहादुर सार्वजनिक

कालागाउँ घटनाः सुरेन्द्रको हत्यामा संलग्न अभियुक्त कर्णबहादुर सार्वजनिक

बैतडीको दोगडाकेदार गाउँपालिका–८ कालागाउँका २१ वर्षिय सुरेन्द्र बिष्टको हत्यामा संलग्न अभियुक्तलाई प्रहरीले सार्वजनिक गरेको छ । बुधबार दोगडाकेदार ८ कै ४२ वर्षीय स्याल भनेर चिनिने कर्णबहादुर बिष्टलाई प्रहरीले पत्रकार सम्मेलन गरी सार्वजनिक गरेको हो ।

कर्णबहादुरले प्रयोग गरेको भरुवा बन्दुक, गोली, मोवाइल लगायतका सामानसहित सार्वजनिक गरिएको जिल्ला प्रहरी कार्यालय बैतडीका प्रमुख प्रहरी नायव उपरीक्षक मकेन्द्रकुमार मिश्रले जानकारी दिनुभयो । लेनदेनका बिषयमा विवाद हुँदा कर्णबहादुरले आफ्नै भाइ नाता पर्ने सुरेन्द्रको गोली हानेर हत्या गरेको प्रारम्भिक अनुसन्धानबाट खुलेको प्रहरी नायव उपरीक्षक मिश्रले बताउनुभयो ।

कर्णले सुरेन्द्रलाई ४० हजार रुपैयाँ दिनुपर्ने थियो । फागुन १७ गतेदिउँसो दुबै जनाबिच लेनदेनकै बिषयमा हातपात समेत भएको थियो ।
सोही दिन राति ८ः३० बजेको समयमा खाना खाइरहेका बेला गोली प्रहार गरेर कर्णबहादुरले सुरेन्द्रको हत्या गरेको उहाँले जानकारी दिनुभयो ।

गोली प्रहारबाट घाइते भएका सुरेन्द्रको उपचारका लागि जिल्ला अस्पताल लैजाने क्रममा मृत्यु भएको थियो । फागुन २५ गते दोगडाकेदार ८ कै पत्थरखानीको ओढारमा लुकाइछिपाइ गरेको अवस्था झोला फेला परेको थियो । सोही ठाउँमा मंगलबार उनले हत्यामा प्रयोग गरेको बन्दुकसहितका सामग्री समेत फेला परेका प्रहरीले जनाएको छ ।

हत्यापछि फरार भएका कर्णलाई गएको फागुन २३ गते दार्चुलाको महाकाली नगरपालिका ९ दत्तु नाकाबाट उनलाई पक्राउ गरिएको थियो । भारततर्फ भाग्दै गरेको अवस्थामा अभियुक्त बिष्टलाई प्रहरीले पक्राउ गरेको थियो ।

अभियुक्त कर्णबहादुर माथि जिल्ला अदालतबाट फागुन २३ गतेदखी लागु हुने गरी १० दिन म्याद थपेर कर्तव्य ज्यान मुद्धामा अनुसन्धान भैरहेको छ ।

प्रकाशित मिति: बुधबार, फागुन २८, २०८१ १२:२१

प्रतिक्रिया दिनुहोस्