भूमि समस्या समाधान आयोग बैतडीले स्थानीय तहका प्रतिनिधीहरुका लागि अभिमुखिकरण कार्यक्रम गर्ने

प्रदेश समाचार

Home
प्रदेश समाचार
भूमि समस्या समाधान आयोग बैतडीले स्थानीय तहका प्रतिनिधीहरुका लागि अभिमुखिकरण कार्यक्रम गर्ने

भूमि समस्या समाधान आयोग बैतडीले स्थानीय तहका प्रतिनिधीहरुका लागि अभिमुखिकरण कार्यक्रम गर्ने

भूमि समस्या समाधान आयोग बैतडीले स्थानीय तहका प्रतिनिधीहरुसंग अभिमुखिकरण कार्यक्रम गर्ने भएको छ । भूमि समस्या समाधान गरी भूमिहीन दलित, भूमिहीन सुकुम्बासी तथा अव्यवस्थित वसोवासीहरुको समस्या समाधान गर्न जिल्लाको पाटनमा चैत्र १८ गते अभिमुखिकरण गर्ने भएको हो ।

स्थानीय तहका प्रमुख, उपप्रमुख, प्रमुख प्रशासकीय अधिकृत र भूमि शाखा प्रमुखहरुका लागि अभिमुखिकरण कार्यक्रम गर्न लागिएको भूमि समस्या समाधान आयोग बैतडीका अध्यक्ष रमेशदत्त पाण्डेयले बताउनुभयो । सुदूरपश्चिम प्रदेश सरकारका भूमि व्यवस्था कृषि तथा सहकारी मन्त्री विरबहादुर थापाको प्रमुख आथित्यतामा अभिमुखिकरण कार्यक्रमको तयारी गरेको उहाँले जानकारी दिनुभयो ।

समितिले पुर्णता पाएसंगै जिल्लामा रहेका भुमीहीन दलित, भुमीहीन सुकुम्बासी तथा अव्यवस्थित रुपमा वसोवास गरिरहेका विपन्न नागरिकहरुले राहात पाउने उहाँको भनाई छ । वषौँ देखि भूमिहीन, दलित तथा अव्यवस्थित वसोवास गरिरहेका नागरिकहरुले जग्गा पाउने आशामा छन् । तर अहिले सम्म उनिहरुको समस्यामा सरकार उदाशीन भएको गुनासो आइरहेका बेला भूमि समस्या समाधान आयोज बैतडीका अध्यक्षले भने यसपटक नजितामुखि काम गर्ने दाबी गरेका छन् ।

यसैबिच मंगलबार महिला सदस्य सरस्वती जोशीले नियुक्ती पाएसंगै जिल्ला समितिले पुर्णता पाएको हो । जोशीलाई भूमि समस्या समाधान आयोग जिल्ला समिति बैतडीका अध्यक्ष रमेश पाण्डेयले शपथग्रहण गराउदै नियुक्ती दिएसंगै समितिले पुर्णता पाएको छ ।