बैतडीमा आलु पकेट क्षेत्र र कोल्ड स्टोरको अनुगमन

प्रदेश समाचार

Home
प्रदेश समाचार
बैतडीमा आलु पकेट क्षेत्र र कोल्ड स्टोरको अनुगमन

बैतडीमा आलु पकेट क्षेत्र र कोल्ड स्टोरको अनुगमन

बैतडीमा आलु पकेट क्षेत्रको रुपमा रहेको पाटन नगरपालिका ८ मा अनुगमन गरिएको छ । सुदुरपश्चि प्रदेश सरकारका भूमि व्यवस्था तथा कृषि सहकारी मन्त्री बिरबहादुर थापाले जिल्लाको पाटन नगरपापलिका ८ मा सञ्चालित आलु पकेट क्षेत्रको अनुगमन गरेका हुन् ।
सोमबार मन्त्री थापासहित कृषि ज्ञान केन्द्र बैतडीका प्रमुख हरिदत्त जोशी लगायतको टोलीले आलु पकेट क्षेत्रको अनुगमन गरेका पाटन नगरपालिका ८ वडाअध्यक्ष हरिश बिष्टले जानकारी दिए । मन्त्री थापाले यहाँका स्थानीय किसानहरुसंग छलफल समेत गरेका उनले बताए ।
कृषि ज्ञान केन्द्रको सहयोगमा यस क्षेत्रमा बृहत आलु बालि कार्यक्रम सञ्चालनमा रहेको छ । नगरपालिकाको वडा नम्बर ८, ९ र १० का किसानहरुलाई आलुको बिउ र कृषि औजारहरु सहयोग गर्दै आएको छ ।
छलफलका क्रममा किसानहरुले तरकारी संकलन केन्द्र र कोल्ड स्टोर सञ्चालनका लागि पहल गरि दिन माग गरेको थिए । कोल्ड स्टोर नहुँदा किसानहरुले न्यून मूल्यमा तरकारी बिक्री गर्नुपरेको र विउ खरिद गर्दा महंगो पर्ने गरेको पाटन नगरपालिका ८ का किसान भरत बहादुर चन्दले गुनासो पोखे ।
भूमि व्यवस्था तथा कृषि सहकारी मन्त्री थापाले कोल्ड स्टोर सञ्चालन तथा तरकारीको बजारीकरणका लागि आफुले सक्दो पहल गर्ने बताएका थिए । यस्तै मन्त्री थापाले पाटन नगरपालिका ८ खोड्पेमा बन्द अवस्थामा रहेको १० टन क्षमताको कोल्ड स्टोरको समेत अनुगमन गरेका थिए ।
तरकारीका लागि पकेट क्षेत्ररुमा रहेको खोड्पेमा कोल्ड स्टोर सञ्चालनमा ल्याउन यहाँका किसानहरुले पटक पटक माग गर्दै आएका छन् । कृषि ज्ञान केन्द्र बैतडीको १५ लाख अनुदान र दोगडाकेदार भुमिराज कोल्ड स्टोरको बाँकी लगानी गरी झन्डै ४५ लाखको लागतमा कोल्ड स्टोर निर्माण गरिएको थियो । कोल्ड स्टोर सञ्चालक ललितमोहन भट्ट अहिले सम्पर्क विहिन छन् ।

उक्त कोल्ड स्टोर सञ्चालनका लागि प्रदेश सरकार, कृषि ज्ञान केन्द्र र जिल्ला प्रशासनलाई पटक पटक माग गर्दै आएको भएपनि सञ्चालन आउन नसकेको पाटन नगरपालिका ८का वडाअध्यक्ष हरिश बिष्टले बताए । संचरना निर्माण भएको दुई वर्ष बितिसक्दा पनि सञ्चालनमा नआउँदा किसानहरु मार्कामा परेका छन् । कोल्ड स्टोर सञ्चालनमा नआउँदा किसानहरुले महँगोमा बिउ खरिद गर्ने र भण्डारणका लागि डडेल्धुरा सम्म ध्याउनुपर्ने बाध्यता रहेको उनले बताए ।

प्रकाशित मिति: सोमबार, चैत १८, २०८१ १३:३३

प्रतिक्रिया दिनुहोस्