बैतडीमा ८ वडामा मत गणना सम्पन्नः ५ मा एमाले ३ मा कांग्रेस बिजयी

प्रदेश समाचार

Home
प्रदेश समाचार
बैतडीमा ८ वडामा मत गणना सम्पन्नः ५ मा एमाले ३ मा कांग्रेस बिजयी

बैतडीमा ८ वडामा मत गणना सम्पन्नः ५ मा एमाले ३ मा कांग्रेस बिजयी

कृष्ण बिष्ट

बैतडी,
बैतडीका ८ वडाको मतपरिणाम आएको छ । दशरथचन्द नगरपालिका वडा नं १ र ११, शिवनाथको १ र २, पुर्चाैडीको १०, सिगास गाउँपालिकाको वडा नं १, मेलौली नगरपालिका वडा नं १ र सुर्नया वडा नं १ को मतपरिणाम आएको हो ।
बैतडीको दशरथचन्द नगरपालिका वडा न. १मा नेकपा(एमाले)का बिष्णु भट्ट विजयी भएका छन् । भट्ट निवर्तमान वडाअध्यक्ष नेपाली कांग्रेसका भुवनराज भट्ट लाई २४ मतले पराजीत गर्दै विजयी भएका हुन् । बिष्णु ८सय १४ मत सहित विजयी हुनुभएको हो भने, भुवनले ७ सय ९०मत प्राप्त गरेका छन् ।
यसैगरी दशरथचन्द नगरपालिका वडा न. ११ मा नेकपा(एमाले)कै जयदत्त पन्त प्यानल सहित विजयी भएका हुन् ।
जिल्लाको सुर्नया गाउँपालिका वडा न. १ मा नेकपा(एमाले)का धन बहादुर चन्द बिजयी भएका हुन् ।
मेलौली नगरपालिका वडा न.१ मा नेकपा(एमाले)का सरदसिंह नेगी प्यानल सहित विजयी भएकाछन् । उनले ५सय २२ मत प्राप्त गरि विजयी हुदाँ उनका निकटतम् प्रतिद्धन्दी नेपाली काग्रेसमा उम्मेदवारले ४४२ मत ल्याएका छन् ।
शिवनाथ गाउँपालिका वडा न. २मा नेकपा(एमाले)का बिरेन्द्र सिंह साउद प्यानल सहित वडाअध्यक्षमा विजयी भएका छन् । साउदले ७सय ७४ मत ल्याई जित हासिल गर्दा उनका निकटतम् प्रतिद्वन्दी नेपाली कांग्रेसका कृष्णसिंह साउदले ७सय ३२ मत प्राप्त गरेका छन् ।

यस्तै जिल्लाका ३ वडामा नेपाली कांग्रेसले विजय हासिल गरेको छ । पुर्चौडी नगरपालिका वडा न.१० मा नेपाली कांग्रेसका हिक्मत बिष्ट बिजयी भएका छन् । उनले ४८५ मत प्राप्त गरेर बिजयी भएका छन् । उनका निकटतम प्रतिद्धन्द्धी माओवादीका गोपाल सिंह महारले ४६२ मत प्राप्त गरेका छन् ।
सिगास गाउँपालिका १ मा कांग्रेसका रामचन्द्र ऐरी बिजयी भएका छन् । कांग्रेसका उम्मेदवार ऐरीले. ३५६ मत ल्याएर बिजयी भएका हुन् । निकटतम प्रतिद्धन्द्धी एमालेका गगन सिंह धामी १९३ मत ल्याएका हुन् ।
जिल्लाको शिवनाथ गाउँपालिका १ मा कांग्रेसका बल्देब सिंह चाड बिजयी भएका हुन् ।
८४ वडा रहेको बैतडीका अन्य वडाको मत परिणाम आउन बाँकी रहेको छ ।

प्रकाशित मिति: शनिबार, वैशाख ३१, २०७९ २१:०२

प्रतिक्रिया दिनुहोस्