काठमाडौं ।
नेपाल प्रिमियर लिग (एनपीएल) सिजन–२ मा सुदूरपश्चिम रोयल्सले अपराजित यात्रा कायम गरेको छ । सुदूरपश्चिमले आफ्नो चौथो खेलमा लुम्बिनी लायन्सलाई ७ विकेटले पराजित गर्यो । लुम्बिनीले दिएको १४४ रनको लक्ष्य सुदूरपश्चिमले १८ ओभर २ बलमा ३ विकेट गुमाएर पूरा गर्यो ।
सुदुरपश्चिमको जितमा ओपनर विनोद भण्डारीले सर्वाधिक अविजित ६९ रन बनाए । उनले ४९ बलमा ५ चौका र ४ छक्का प्रहार गरे । ओपनर जोश ब्राउन ९, क्रिस लिन १६ र आरिफ शेखले ३९ रनको योगदान दिए । हर्मित सिंह ७ रनमा अविजित रहे । बलिङमा लुम्बिनीका रुवेन ट्रम्पल्मेन, अभिषेश गौतम र तिलक भण्डारीले एकएक विकेट लिए ।
त्यसअघि टीयू क्रिकेट मैदानमा टस हारेर पहिला ब्याटिङ गरको लुम्बिनी १९ ओभर ४ बलमा १४३ रनमा अलआउट भएको थियो । टपअर्डरमा मध्यम प्रदर्शन गरेको लुम्बिनीका मिडल र लोअर्डरका ब्याटर चल्न नसक्दा १४३ रनमा समेटिन पुग्यो ।
लुम्बिनीका लागि कप्तान रोहित पौडेलले सर्वाधिक ३५ रन बनाइन् । डार्सी सर्ट १८, सुमित महर्जन १८, दीलिप नाथ ३१, गुल्वदिन नाइव ११, सन्दीप जोरा ७, शेर मल्ल ४, थोमस ड्राका ६ र अभिषेश गौतम ६ रनमा आउट भए । तिलक भण्डारी र रुवेन ट्रम्पेल्मेनले कुनै पनि रन जोड्न सकेनन् । बलिङमा सुदूरपश्चिमका पेस बलर हाबी गए । अभिनास बोहराले ३, हेमन्त धामी ३ र स्कट कुगेलेइजन स्पिनर हर्मित सिंहले पनि ३ विकेट लिए ।
सुदूरपश्चिम एनपीएलमा हालसम्म अपराजित हुने एकमात्रै टोली हो । जसले ४ खेलबाट ८ अंक जोड्दै शीर्ष स्थानमा छ । लुम्बिनीले लगातार तेस्रो हार बेहोरेको छ । लुम्बिनीले ४ खेलमा एकमात्र खेलमा जित निकालेको छ ।
