बैतडी समाज कैलालीद्वारा रक्तदान महोत्सवको १७औँ संस्करण फागुन ९ गते आयोजना हुँदै

प्रदेश समाचार

Home
प्रदेश समाचार
बैतडी समाज कैलालीद्वारा रक्तदान महोत्सवको १७औँ संस्करण फागुन ९ गते आयोजना हुँदै

बैतडी समाज कैलालीद्वारा रक्तदान महोत्सवको १७औँ संस्करण फागुन ९ गते आयोजना हुँदै

कैलाली — बैतडी समाज कैलालीले आफ्नो नियमित सामाजिक कार्यक्रमअन्तर्गत सञ्चालन गर्दै आएको “रक्तदान महोत्सव” को १७औँ संस्करण आगामी फागुन ९ गते आयोजना गर्ने निर्णय गरेको छ ।

संस्थाको आज बसेको बैठकमार्फत उक्त निर्णय सार्वजनिक गरेको हो । समाजले कैलालीमा बसोबास गर्दै आएका सामाजिक रुपमा सक्रिय व्यक्तिहरूलाई महोत्सवमा सहभागी भई रक्तदान गर्न हार्दिक अपिल गरेको छ ।

समाजका अनुसार हालसम्म कार्यक्रममार्फत १,५२६ पिन्ट रगत संकलन भइसकेको छ, जुन आपतकालीन अवस्थाका बिरामीहरूका लागि जीवनदायी सावित हुँदै आएको छ । संस्थाले रक्तदानलाई मानव जीवन बचाउने सबैभन्दा ठूलो सामाजिक सेवा भएको उल्लेख गर्दै यस अभियानलाई निरन्तरता दिँदै आएको जनाएको छ।

उक्त महोत्सवका संयोजक बिर बहादुर महरा रहेका छन् । आयोजकले सम्पूर्ण रक्तदाताहरू तथा सहयोगी सामाजिक मनहरूलाई सम्मान प्रकट गर्दै आगामी कार्यक्रमलाई पनि सफल बनाउन सबैको साथ र सहयोग आवश्यक रहेको जनाएको छ ।

रक्तदान जीवनदान भएकाले “एक पिन्ट रगतले तीन जनाको ज्यान बचाउन सक्छ” भन्ने सन्देशसहित समाजले यो अभियानलाई मानवीय सेवाको उदाहरणका रूपमा अघि बढाइरहेको छ ।

प्रकाशित मिति: शनिबार, माघ १०, २०८२ २०:५६

प्रतिक्रिया दिनुहोस्