एमाले बैतडी : भण्डारीको जित सुनिश्चित देखेपछि विरोधीको ‘प्रपोगण्डा’ सुरु

प्रदेश समाचार

Home
प्रदेश समाचार
एमाले बैतडी : भण्डारीको जित सुनिश्चित देखेपछि विरोधीको ‘प्रपोगण्डा’ सुरु

एमाले बैतडी : भण्डारीको जित सुनिश्चित देखेपछि विरोधीको ‘प्रपोगण्डा’ सुरु

बैतडी,

नेपाल कम्युनिस्ट पार्टी (एमाले) ले बैतडीमा आफ्नो चुनावी अभियान उत्साहजनक र प्रभावकारी रूपमा अघि बढिरहेको जनाएको छ। जिल्ला कमिटी बैतडीका अध्यक्ष नरेश कुमार विश्वकर्माद्वारा जारी प्रेस विज्ञप्तिमा उम्मेदवार दामोदर भण्डारी चौथो पटक निर्वाचित हुने बलियो आधार तयार भएको दाबी गरिएको छ।

विज्ञप्तिअनुसार विगतमा सुरु गरिएका विकास निर्माणका योजना र अधुरा परियोजनालाई पूर्णता दिन भण्डारी सक्षम, अनुभवी र विश्वासिलो उम्मेदवार रहेको उल्लेख छ। उनको दीर्घ राजनीतिक अनुभव, स्पष्ट दृष्टिकोण र राष्ट्रिय राजनीतिमा प्रभाव पार्ने क्षमताका कारण मतदातामाझ सकारात्मक भरोसा बढ्दै गएको पार्टीको दाबी छ।

एमालेले पछिल्ला दिनमा सामाजिक सञ्जाललगायत विभिन्न माध्यमबाट उम्मेदवारविरुद्ध फैलाइएका आरोपहरूलाई “भ्रामक, तथ्यहीन र कपोलकल्पित” भन्दै कडा शब्दमा अस्वीकार गरेको छ। यस्ता गतिविधि चुनाव नजिकिँदै जाँदा मतदातालाई भ्रमित पार्ने नियोजित प्रयास भएको विज्ञप्तिमा उल्लेख गरिएको छ।

पार्टीले आरोप लगाउने पक्षलाई प्रमाणसहित आफ्ना दाबी पुष्टि गर्न खुला चुनौती दिएको छ। अन्यथा चुनावलाई प्रभावित पार्ने उद्देश्यले गरिएको लाञ्छना र मानहानीविरुद्ध कानुनी उपचार खोजिने चेतावनी पनि दिइएको छ।

विज्ञप्तिको अन्त्यमा बैतडीका मतदातालाई संयमित, सचेत र जिम्मेवार भई सत्य–तथ्यका आधारमा निर्णय लिन आग्रह गर्दै चुनावी प्रतिस्पर्धा स्वस्थ, मर्यादित र शान्तिपूर्ण ढंगले अघि बढ्नुपर्नेमा जोड दिइएको छ।

May be an image of map and text