बैतडीका ९ स्थानीय तहको मत परिणाम सार्वजनिकः प्रमुखमा कस्ले कति मत ल्याए ?

प्रदेश समाचार

Home
प्रदेश समाचार
बैतडीका ९ स्थानीय तहको मत परिणाम सार्वजनिकः प्रमुखमा कस्ले कति मत ल्याए ?

बैतडीका ९ स्थानीय तहको मत परिणाम सार्वजनिकः प्रमुखमा कस्ले कति मत ल्याए ?

डम्बरबाबु बोहरा
जेठ ३ गते बैतडी
बैतडीका ९ स्थानीय तहको मत परिणाम सार्वजनिक भएको छ । ४ पालिकामा नेकपा एमाले , नेपाली कांग्रेसले ३ , नेकपा माओवादी केन्द्र र स्वतन्त्रले १÷१ पालिकामा प्रमुख पदमा विजयी भएको हो ।
नेपाली कांग्रेसले पाटन नगरपालिका , शिवनाथ र सिगास गाउँपालिकामा विजयी भएको हो । नेकपा एमाले दशरत्थचन्द नगरपालिका , पञ्चेश्वर , दोगाडाकेदार र सुर्नया गाउँपालिकामा प्रमुख पदमा विजयी भएको छ । नेकपा माओवादी केन्द्र मेलौली नगरपालिकामा र डिलाशैनि गाउँपालिकामा स्वतन्त्र उम्मेदवार विजयी भएका हुन् ।
पाटनमा नेपाली कांग्रेसका गोरी सिंह रावलले ६ हजार ८६९ मत ल्याएर विजयी भएका हुन् । नेकपा एमालेका नारायण भण्डारीलाई १ हजार ५७९ ले पछि पार्दै रावल विजयी भए । शिवनाथमा नेपाली कांग्रेसका कर्ण सिह साउँदले नेकपा एमालेका हजारी सिंह साउँदलाई ३१६ मतले पछि पार्दै विजयी भएका हुन् । कांग्रेसका साउँदले ३ हजार १६५ मत ल्याए । सिगास गाउँपालिकामा नेपाली कांग्रेसका हरी सिह धामी ३ हजार ४४९ मत ल्याएर विजयी भएका छन् । नेकपा एमाले जस्वीर सिंह बोहरा एक हजार ६४९ पराजीत भए ।
दशरत्थचन्द नगरपालिका नेकपा एमालेका पुष्कराज जोशीले ६ हजार ६८५ मतका साथ विजयी भएका छन् । उनका निकटम् प्रतिद्धन्दी नेपाली कांग्रेसका गजेन्द्र रावलले ५ हजार ४२७ मत ल्याए ।

पञ्चेश्वर गाउँपालिकामा सत्ता गठबन्धनका उम्मेदवारलाई पछि पार्दै नेकपा नेकपा एमालेको गोरख बहादुर चन्द विजयी भए । उनले ३ हजार ७४२ मत ल्याए भने गठबन्धनबाट नेपाली कांग्रेसका रमेश भण्डारीले २ हजार ४८८ मत ल्याए ।

दोगाडाकेदार गाउँपालिकामा गठबन्धनका देवराज जोशीलाई पराजीत गर्दै नेकपा एमालेका चक्र कार्की विजयी भएका छन् । कार्कीले ४ हजार ९१७ मत ल्याएर विजयी भएका हुन् । गठबन्धनका जोशीले ४ हजार ९१ मत ल्याए । सुर्नया गाउँपालिकामा नेकपा एकीकृतका समाजवादीका नरेन्द्र बिष्टलाई २६ मतले पछि पार्दै एमालेका अम्मर कुवँर विजयी भए । कुवँरले २ हजार ३५० मत प्राप्त गर्दा बिष्टले २ हजार ३२४ मत ल्याए ।
मेलौली नगरपालिकामा नेकपा माओवादी केन्द्रका भिम बहादु चन्द ( भुकम्प ) विजयी भए । उनले ३ हजार ९६ मत ल्याए । उनका निकटम् प्रतिद्धन्दी नेकपा एमालेका जगदिश नायकले २ हजार ३७६ मत प्राप्त गरे ।
यस्तै डिलाशैनि गाउँपालिकामा सत्ता गठबन्धन र नेकपा एमालेका उम्मेदवारलाई पछि पार्दै स्वतन्त्र उम्मेदवार सन्तोष प्रकाश जोशी विजयी भएका छन् । जोशीले ३ हजार १८९ मत ल्याए भने उनका निकटतम् प्रतिद्धन्दी सत्ता गठबन्धनबाट नेकपा माओवादी केन्द्रका लोकेन्द्र राना ( शितल ) ले २ हजार ६४१ मत ल्याए ।
पुर्चाैडी नगरपालिकाको मत गणना जारी छ ।

प्रकाशित मिति: मंगलबार, जेठ ३, २०७९ २१:०२

प्रतिक्रिया दिनुहोस्