बझाङको जयपृथ्वी नगरपालिकामा गठबन्धन विजयी

प्रदेश समाचार

Home
प्रदेश समाचार
बझाङको जयपृथ्वी नगरपालिकामा गठबन्धन विजयी

बझाङको जयपृथ्वी नगरपालिकामा गठबन्धन विजयी

jayaprithvi.png

बझाङ: बझाङको जयपृथ्वी नगरपालिकाको प्रमुख र उपप्रमुखमा गठबन्धनका उम्मेदवार विजयी भएका छन् । आइतवार राती ९ वजेवाट सुरु भएको जयपृथ्वी नगरपालिकाको मतगणना गएराती २ वजे सकिएको छ । ११ वटा वडा रहेको जयपृथ्वी नगरपालिकाको अन्तिम मत परिणाम सार्वजनिक भएको छ ।
जयपृथ्वी नगरपालिकामा गठबन्धनका उम्मेदवार नेपाली कांग्रेसका चेतराज बजाल मेयर पदमा विजयी भएका छन् । उनी ४ हजार ९ सय ७० मतका साथ विजयी भए भने, उनका निकटतम् प्रतिष्पर्धी नेकपा एमालेका सुरत बहादुर सिंहले ३ हजार ४ सय ९९ मत पाए । त्यसैगरी राप्रपाका कर्णबहादुर खड्काले ४३ मत पाएका थिए । नेपाली कांग्रेसका बजाल नेकपा एमालेका सिंहसँग १ हजार ४ सय ७१ मतान्तरले विजयी भएका हुन् ।
यस्तै उपप्रमुखमा पनि गठबन्धनकै उम्मेदवार विजयी भएका छन् । नेकपा माओवादी केन्द्रका रतन सिंह जयपृथ्वी नगरपालिकाको उपमेयरमा विजयी भएका हुन् । उनी ४ हजार ६ सय २७ मतका साथ विजयी भए । नेकपा एमालेवाट जयपृथ्वी नगरपालिकाको उपमेयरको उम्मेदवार बनेकी जमुना चन्दले ३ हजार ३ सय ९१ मत पाइन् ।
जयपृथ्वी नगरपालिकाका ११ वटा वडा मध्ये तीन वटा वडामा नेकपा एमाले विजयी भएको छ, भने नेपाली कांग्रेस, नेकपा माओवादी केन्द्र, एकीकृत समाजवादीले दुई÷दुई वटा वडामा जित निकालेका छन् । जयपृथ्वीका २ वडामा भने स्वतन्त्र उम्मेदवार विजयी भएका छन् ।

प्रकाशित मिति: बुधबार, जेठ ४, २०७९ ०९:१७

प्रतिक्रिया दिनुहोस्