बैतडीका नवनिर्वाचित प्रमुख र अध्यक्षले लिए पद तथा गोपनियताको शपथ

प्रदेश समाचार

Home
प्रदेश समाचार
बैतडीका नवनिर्वाचित प्रमुख र अध्यक्षले लिए पद तथा गोपनियताको शपथ

बैतडीका नवनिर्वाचित प्रमुख र अध्यक्षले लिए पद तथा गोपनियताको शपथ

जेठ ६ गते बैतडी
बैतडीका १० वटै स्थानीय तहका नवनिर्वाचित प्रमुख र अध्यक्षहरुले शपथ ग्रहण गरेका छन् । शुक्रबार मुख्य निर्वाचन अधिकृत एव्म जिल्ला न्यायाधिश तिलक बहादुर कार्कीबाट उनिहरुले पद तथा गोपनियताको शपथ ग्रहण गरेका हुन् ।
बैशाख ३० गते सम्पन्न स्थानीय तहको निर्वाचनमा निर्वाचित ४ नगरपालिका र ६ गाउँपालिकाका प्रमुख र अध्यक्षहरुले पद तथा गोपनियताको शपथ ग्रहण गरेको मुख्य निर्वाचन अधिकृतको कार्यालयले जनाएको छ ।
दशरथचन्द नगरपालिकामा नगरप्रमुखमा पुष्करराज जोशी ९ लख्खाभाई ० , पाटन नगरपालिकाको नगरप्रमुखमा गौरी सिह रावल , मेलौली नगरपालिकामा भिम बहादुर चन्द ९ भुकम्प ० , पुर्चौडीको नगरपालिकाको नगर प्रमुखमा दीपक बहादुर बम , सिगास गाउँपालिकाको अध्यक्षमा हरीसिह धामी , सुर्नयाको अध्यक्षमा अम्मर बहादुर कुवँर , शिवनाथ गाउँपालिकाको अध्यक्षमा कर्ण सिह साउँद , पन्चेश्वर गाउँपालिकाको अध्यक्षमा गोरख बहादुर चन्द , डिलाशैनि गाउँपालिकाको अध्यक्षमा सन्तोष प्रकाश जोशी र दोगाडाकेदार गाउँपालिकाको अध्यक्षमा चक्र कार्कीले शपथ ग्रहण गरेका छन् ।
स्थानीय सरकार सञ्चालन ऐन २०७४ को दफा ९ अनुसूची २ अनुसार पालिकाका प्रमुख तथा अध्यक्षहरुले शपथ ग्रहण गरेका हुन् । आज सपथ ग्रहण गरेका पालिका प्रमुख र अध्यक्षले पालिका उपप्रमुख र उपाध्यक्ष लगायतका अन्य निर्वाचित जनप्रतिनिधीहरुलाई १ हप्ता भित्र शपथ ग्रहण गराउनेछन् ।
बैतडीका २ नगरपालिका सहित ४ स्थानीय तहमा नेपाली कांग्रेस प्रमुखमा विजयी भएको छ भने १ नगरपालिका सहित ४ स्थानीय तहमा नेकपा एमाले भएको छ । यस्तै नेकपा माओवादी केन्द्र १ नगरपालिकामा र १ मा स्वतन्त्र उम्मेदवार विजयी भएका छन् ।

प्रकाशित मिति: शुक्रबार, जेठ ६, २०७९ १५:४४

प्रतिक्रिया दिनुहोस्