पिपिएल :कैलपाल, पाटन एकेडेमी र आयोजक विजयी, कैलपाल सेमिफाईनलमा

खेल

Home
खेल
पिपिएल :कैलपाल, पाटन एकेडेमी र आयोजक विजयी, कैलपाल सेमिफाईनलमा

पिपिएल :कैलपाल, पाटन एकेडेमी र आयोजक विजयी, कैलपाल सेमिफाईनलमा

PPL 15.jpg

कृष्ण बिष्ट
पाटन प्रीमियर लिग क्रिकेट प्रतियोगितामा आज चार खेल भएका छन् । आज भएको पहिलो खेल १२ ओभरमा खेलाइएको थियो । पहिलो खेल कृष्ण मावि वारियर्स र पाटन एकेडेमीबिच भएको हो । पाटन एकेडेमीले ४७ रनले जित हात पार्यो ।
टस जितेर ब्याटिङ् रोजेको पाटन क्रिकेट एकेडेमीले निर्धारित १२ ओभरमा ७ विकेट गुमाउदै १७६ रन बनाएको हो । एकेडेमीका सुसांक चन्दले ४५, जगदिश मौनीले ३२ र लोकेश थापाले २९ रनको योगदान गरे । कृष्ण मावि वारियर्सका बिष्णु बिष्टले ४ विकेट लिए ।
१७७ रनको बिजयी लक्ष पच्छ्याएको कृष्ण मावि वारियर्सले १२ अ‍ेभरमा ६ बिकेट गुमाएर १२९ रन मात्रै बनाउन सक्यो । वारियर्सका बिष्णु बिष्टले ८८ रन बनाएपनि जित हात पार्न सकेनन् ।
यसैगरी दोश्रो खेलमा बाराकोटलाई हराउदै कैलापाल क्रिकेट क्लबले ६८ रनले जित हात पार्यो । टस हारेर ब्याटिङ्को निम्तो पाएका कैलपालले निर्धारित १५ ओभरमा ८ विकेट गुमाएर २०३ रन बनायो । कैलपालका राम चन्दले ४० र नमराज ऐरीले ३० रनको योगदान गरे । २०४ रनको बिजयी लक्ष पच्छ्याएको बाराकोटले १४.३ ओभरमा अलआउट हुदै १३५ रन मात्रै बनाउन सक्यो । बाराकोटका धिरजले ६९ रन बनाएपनि जित दिलाउन सकेनन् । कैलपालका भुपेन्द्र चन्दले ३, सन्तोस चन्द र दिपक बोहराले दुईदुई विकेट लिए ।
यसैगरी आजै भएको तेश्रो खेल आयोजक पाटन क्रिकेट क्लबले महारुद्र क्रिकेट क्लबलाई ११६ रनले हराएको छ ।
टस जितेर ब्याटिङ गरेको योजकले निर्धारित १५ ओभरको खेलमा ५ विकेटको क्षेतिमा २१३ रन बनायो । आयोजकका बिकास बिष्टले ५३ रनको अर्धसतकिय पारी खेले । पारश बिष्टले ४४ र तथा प्रकाश बुढालले ४३ रन बनाए । महारुद्रका सागर बिकले ३ बिकेट लिए ।
२१४ रनको बिजयी लक्ष पच्छ्याउने क्रममा क्रममा महारुश्रद्र क्रिकेट क्लबले ११.४ ओभरमा अलआउट हुदै ९७ रनमात्रै बनाउन सक्यो । उसका किरण पन्तले १८ रन र बिक्रम ऐरले १७ बनाउन बाहेक अन्य ब्याट्सम्यानले राम्रो प्रदर्शन गर्न सकेनन् । आयोजकका दिनेश जोसीले ३, दिपेन्द्र चन्द र किरन चन्दले समान दुईदुई बिकेट लिए ।
यसैगरी आजै भएको चौथो तथा अन्तिम खेलमा युनिक स्टारका बिरुद्ध कैलपाल क्रिकेट क्लबले ९४ रनले जित हात पारेको छ । टस हारेर ब्याटिङ गरेको कैलपालले १५ ओभरमा २०९ रन बनायो । कैलपालका दिपक बोहराले ९३ रनको अर्धसतकिय पारी खेले । युनिक स्टारका खेम भट्टराईले दुई बिकेट लिए ।
२१० रनको बिजयी लक्ष पच्छ्याउने क्रममा युनिक स्टारले १३.३ ओभरमा ११५ रन मात्रै बनाउन सक्यो । युनिक स्टारका मदन चन्दले २० रन बनाए । कैलपालका भुपेन्द्र चन्द र ऋसिकेस बोहराले दुईदुई बिकेट लिए ।
युनिक स्टार र बाराकोट क्रिकेट क्लब जारी प्रतियोगिताबाट बाहिरिएका छन् । लगातार दुई जित हातपार्दै कैलपाल सेमिफाईनमा प्रबेस गरेको छ ।
यहि फागुन १३ गते कृष्ण माविको खेलमैदानमा पिपिएल प्रतियोगिता जारी छ ।