पिपिएलः कैलपाल र आयोजक फाईनलमा प्रवेश, फाईनल भिडन्त शुक्रबार

खेल

Home
खेल
पिपिएलः कैलपाल र आयोजक फाईनलमा प्रवेश, फाईनल भिडन्त शुक्रबार

पिपिएलः कैलपाल र आयोजक फाईनलमा प्रवेश, फाईनल भिडन्त शुक्रबार

ptn.jpg

कृष्ण बिष्ट
पाटन क्रिकेट क्लबको आयाजनामा कृष्ण माविको खेलमैदानमा जारी प्रथम पाटन प्रिमियर लिगको फाईनलखेल कैलपाल क्रिकेट क्लब र आयोजक पाटन क्रिकेट क्लबकाबिच हुने भएको हो । कैलपालले ग्वाल्लेकलाई र आायेजकले पाटन एकेडेमिलाई हराउदै फाईनलको लागि स्थान सुनिश्चित गरेका हुन् ।

आज भएको पहिलो खेलमा कैलपालले ग्वाल्लेकलाई १३७ रनले हराएको हो । टस हारेर ब्याटिङ् गरेको कैलपालले १९ .४ ओभरमा अलआउट हुदै २३७ रन बनायो । प्रदिप चन्दले ६६ र बिरेन्द्र बोहराले ४१ रन बनाए । ग्वाल्लेकका पिताम्बर जोसीले ३, बिरेन्द्र बोहरा र दिपक जोसीले दुई दुई बिकेट लिए । २३८ रनको लक्ष पच्छ्याएको ग्वाल्लेकले १०.२ ओभरमा सबै बिकेट गुमाएर १०० रन मात्रै बनाउन सक्यो । ग्वाल्लेककले पिताम्बर जोसीले ३१ र पंकज जोसीले २१ रन बनाए । कैलपालका सन्तोस चन्दले ४ बिकेट लिए । कैलपालका प्रदिप चन्द म्यन अफ द म्याच चुनिए ।

यसैगरी आयोजकले एकेडेमीलाईपनि १२८ रनले हराएको छ । टस हारेर ब्याटिङ गरको आयोजकले २० ओभरमा सबै बिकेट गुमाएर १७४ रन बनायो । आयोजकले प्रकाश बुडालले ४३ र सन्नी बिष्टले ३१ रन बनाए । एकेडेमीका सन्तोस जोसीले ४ र सुसांक चन्दले ३ विकेट लिए । १७५ रनको बिजयी लक्ष पच्छ्याएको एकेडेमीले ८.२ ओभरमा अलआउट हुदै ४६ रन मात्रै बनायो । एकेडेमीका हरिश बिष्टले १८ रन बनाउन बाहेक अन्य ब्याट्सम्यानले राम्रो प्रदर्शन गर्न सकेनन् । आयोजकका सन्नी बिष्टले ५ तथा दिपेन्द्र चन्दले ३ विकेट लिए । आयोजकका सन्नी बिष्ट म्यान अफ द म्याच चुनिए ।

भोली बिहान १० बजे देखि आयोजक र पाटन क्रिकेट क्लबका बिच फाईनले खेल हुने स्कोरर किरन चन्दले बताए ।

प्रकाशित मिति: शुक्रबार, फागुन २०, २०७८ ०३:४३

प्रतिक्रिया दिनुहोस्